Pancake House HoiHoi (Megabox) (Closed)

日本過江龍班戟店，賣相十分之靚打卡之選🤩我個人鐘意甜品食極都唔厭。夏威夷班戟漢堡配芝士：感覺好新穎好小地方用班戟配漢堡，原來係好夾冇麵包咁飽肚，漢堡扒好多肉汁生菜🥬同蕃茄都係即刻切，薯條比較幼身所以炸得特別脆。士多啤梨梳乎厘班戟🍓梳乎厘口感特別好，入口即溶忌廉打得好滑唔太甜，配埋一齊食超級正。草莓🍓沙冰賣相已經好吸引，飲落去啖啖草莓肉，因為係沙冰唔覺得太甜。手沖浸泡式精品咖啡☕️上枱係自己沖有得玩又有得飲，比我想像中好飲，一d都唔苦好易入口，我覺得值得一試。