桂花小幸，是我常光顧的店子，出品保持高水準，上菜快，服務佳，主打台式風味，環境雅緻，氣氛悠閒，係一個適合享受美食嘅地方。今次又與朋友幫襯
我選了套餐，原盅燉湯火候足，湯底清甜，材料如雞件、紅棗、杞子煲得入味，飲落暖胃又滋補。上湯浸時菜選用唐生菜，爽脆鮮嫩，吸收咗上湯嘅鮮香，簡單但有層次。主菜酥炸排骨滷肉飯，排骨外酥內嫩，滷肉鹹香入味，配上粒粒分明嘅滷肉飯，令人食指大動。
朋友點咗腱心牛肉台灣麵，紅燒湯底微辣，香氣撲鼻，牛肉腱心炆得夠腍但唔失口感，麵條彈牙，湯底濃郁而不油膩，整體味道平衡。
最喜歡這裡的特飲，每次必點，雲岩流金由蜜香紅茶、厚奶、珍珠同堅果雲頂組成，茶香濃郁，奶味厚滑，堅果雲頂增添口感層次，飲落香甜順口
星河仙韻則係伯爵紅茶配輕乳、珍珠同椰果，茶味清新，椰果爽口，整體感覺輕盈可口
