Chatterbox Express (Closed)

今日去太古搵朋友，佢帶咗我去食佢附近的一間食新加坡菜的餐廳。呢度嘅海南雞飯另我一試難忘，真值得推介！文華海南雞飯$108賣相非常吸引，雞肉有光澤，嫩滑無比，每一口都帶有油香。雞皮夠薄爽彈，配以秘製辣汁，姜同黑醬油，好惹味。雞肉確是十分嫩滑，亦少骨，每一口都好滿足。咖喱豬肋骨煲配白飯和脆薄餅 $108見餐牌呢個菜式係限時精選，加上天氣咁凍最岩就係食煲仔菜！咖喱煲份量好多，香氣十足，材料豐富。配菜有秋葵，茄子，同非常軟腍的薯仔，樣樣都好入味。咖喱辣味都足夠，有香料味道，送飯好正。豬肋骨係厚切，而且都有好多件，仍然保持咬勁，不錯！Iced cappuccino 估唔到呢度嘅咖啡竟然都唔錯！夠凍而且咖啡味都好香！我們更加點雞肉沙嗲串 雞肉腌得好入味，更帶點蜜糖味，整體沙嗲雞肉串都偏甜，不用再點沙嗲醬，已經非常惹味！跟咖喱煲的套餐更有配雙球椰子雪糕！椰子雪糕好值得食，有超濃郁的椰子香氣。雪糕很帶有些少椰子絲，好香甜。為剛才的鹹點畫上完美句號。