麥當勞 (香港沙田萬怡酒店) (Under Renovation)

本人食了麥當勞這麼多年，終於有革新，首先，就是板燒雞腿飽終於加入超值套餐行列喇，咁就多一個選擇啦，如果以後有更多選擇就好啦。其次，就是希望麥當勞可以保留小龍蝦湯和Shake Shake粉兩樣嘢，因為小龍蝦湯每年只有新年前後才有，好像不夠喉的樣子。最後，當然有要求就有投訴，這間餐廳直情集所有麥當勞缺點於一身，點解咁講呢，第一，呢間餐廳共有四部點餐機，但是可以四部機都可以暫停服務，原因是冇員工加紙，跟著攪到排長龍，好啦，結果排隊俾錢，就輪到個女收銀冇耐性喇，個客想搵零錢俾個職員方便找贖，個女收銀員就自己走去點餐機整牌，結果要個客嗌收錢喇，點知佢返嚟第一句就話:點呀，攪掂未，我等緊呀。好喇，攞到食物坐下來進食啦，就聽到其他客人叫檸檬茶冇檸檬茶，叫雪糕就冇雪糕。其二，其後有一次在大堂進食時，突然聽到廚房方向有一把女職員嗌:攪乜春呀，當堂突咗一突。執枱員工又懶散，不願執枱，經理態度也很惡劣，所以整間餐廳由上至下，冇一個員工可以。