麥當勞 (香港沙田萬怡酒店) (Under Renovation)

外賣套餐👍🏼👍🏼👍🏼網上落單方便，速度快🤭🤭大約30分鐘送到黎👍🏼必食推介：麥炸雞真係會食上癮食左甘多次都唔會厭😂😂😂原味係最正平時都係去店舖食，平淋左⭐️⭐️⭐️夠多汁⭐️⭐️⭐️熱辣辣（並唔係暖）外賣滿指定金額再有麥樂雞送🤭大滿足下次都吾洗專登行去食速度超快👍🏼野食質素無差回頭率⭐️⭐️⭐️⭐️⭐️#麥當勞#石門味道（4/5）速度（4/5）＃新界區_跟dada食玩

揸車經開發覺有啲肚餓，見到玉子將軍漢堡番黎，即刻停低走入去坐底快食。打開個包好似有少許混亂😅😅（我知已經靚過好多間分店架喇⋯）好彩食落都可以，唔係擺左好耐既感覺.闊別多年，將軍漢堡既汁調校到無以前咁甜，更加似日式燒汁，整體正常發揮啦，但好似貴左dd薯蓉比KF? 幼滑但有薯味啲（所以顏色金黃啲？）如果個汁少番dd會仲好食🤤抹茶豆乳批有啲驚喜，我覺得幾好既，有綠茶回甘，豆乳味可以再強多少許，依個會Encore

係咁的，今日行開去到沙田萬怡酒店唔知食咩好，揸揸吓車經過有間麥當勞，咁就一支公自己走入去食啦。一到去見到有雙層魚柳包，就諗起細細個小學媽咪成日買魚柳包比我食嘅畫面😍😍，即刻落單大哥雙層魚柳包餐加大大啖組合，再加蘋果批同麥炸雞，細味一下啦。😇😇等咗5分鐘，終於有得拎餐啦。點知見到啲薯條好似炸過火，就叫個職員可唔可以炸過一包俾我，點知佢同我講話係咁㗎啦！我個心梗係唔爽啦，做咗咁多年人，起碼都食過幾百次麥當勞🍔點諗到啲薯條🍟炸到咁嘅顏色都拎出嚟賣俾人😠今次包薯條係非常之過分，我唔明白咁大間公司點解會咁樣，係呢間分店特別有問題定係部機出現咗問題？應該連鎖經營餐廳係會有總公司負責QC部份嫁

每次麥當勞雪糕轉味道, 我定必試番一下的！今次輪到阿華田了！其實麥記早年出過朱古力mix阿華田, 今次, 純綷阿華田的, 諗起就想食了, 於是就買了一杯阿華田麥旋風.阿華田雪糕上混着阿華田脆脆米, 吃起來味道是一層層的. 首先是咖啡色的雪糕有着阿華田的味道, 比起朱古力, 較為淡一些, 沒有這麼濃, 也不會好甜. 再“搭”一下, 便吃到那些脆脆米, 比雪糕再甜一些. 一軟一脆, 同一時間感受着不同層次的口感, 慢慢“搭”, 下午茶來一杯最適宜不過的！

好耐冇食過老麥既早餐，印象中最好食係熱香餅同埋炒蛋，所以叫左個deluxe 版食，不過好失望，熱香餅唔熱仲係咪可以叫熱香餅...?凍食成舊粉入口，只靠糖漿送入口，蛋炒到又老又凍咩玩法...?我諗成個早餐最好食只有塊薯餅反而個mc cafe 個三文治ok，都叫會有人幫你叮番熱，不過始終係交貨過黎，所以冇乜好講，杯flat white 中規中矩啦

第一次嚟呢間石門近工廠區嘅m記食18件麥樂雞，一放入口，咦⋯⋯點解又唔熱又韌嘅🤦🏻‍♀️食過好多間m記都未試過咁，似係放左好耐又唔整番熱。但d薯條就熱到啱啱炸起咁，真係好大對比🙈希望下次嚟食會有進步啦⋯⋯

本人今天經過這裡用膳，正如我之前所提及，失驚無神將顯示屏由單色變成雙色，但是問題是白色數字代表正在製作中，黃色字是取餐，但是今天有很多編號起碼相差十多個白色字編號 ，職員就叫取餐，那麼運用這套系統有什麼用途呢？咁跟之前單色顯示屏時取餐有什麼分別，跟著走去問水吧女職員為何號碼那麼混亂時，那個女職員簡直當個客人講嘢當耳邊風，睬你都有味。其次，每當客人用完點餐機到櫃檯俾錢，但是在櫃檯等俾錢的客人等到後面那些排隊買嘢的人龍清哂 ，前面在Kisok Cash 的客人等俾錢 ，跟著在等櫃檯食物時，又見到另一件事情發生，話說當時有五個客人在排隊輪候買嘢食，突然有一個女顧客打尖 但是職員雖然稍有阻止，但是仍然讓這個女顧客先落單。最後，仍然是清潔問題，一喺冇人清餐盤，一喺倒潟蘿蟹不顧而去。

本人食了麥當勞這麼多年，終於有革新，首先，就是板燒雞腿飽終於加入超值套餐行列喇，咁就多一個選擇啦，如果以後有更多選擇就好啦。其次，就是希望麥當勞可以保留小龍蝦湯和Shake Shake粉兩樣嘢，因為小龍蝦湯每年只有新年前後才有，好像不夠喉的樣子。最後，當然有要求就有投訴，這間餐廳直情集所有麥當勞缺點於一身，點解咁講呢，第一，呢間餐廳共有四部點餐機，但是可以四部機都可以暫停服務，原因是冇員工加紙，跟著攪到排長龍，好啦，結果排隊俾錢，就輪到個女收銀冇耐性喇，個客想搵零錢俾個職員方便找贖，個女收銀員就自己走去點餐機整牌，結果要個客嗌收錢喇，點知佢返嚟第一句就話:點呀，攪掂未，我等緊呀。好喇，攞到食物坐下來進食啦，就聽到其他客人叫檸檬茶冇檸檬茶，叫雪糕就冇雪糕。其二，其後有一次在大堂進食時，突然聽到廚房方向有一把女職員嗌:攪乜春呀，當堂突咗一突。執枱員工又懶散，不願執枱，經理態度也很惡劣，所以整間餐廳由上至下，冇一個員工可以。

尋日（12-1-2018 Fri），麥當勞出$10.00嘅士多啤梨蛋糕脆脆麥旋風，就同女同事CY食完飯嚟買，一人一杯。買完返公司熄冷氣食，睇睇杯嘢，大概只有半杯，所謂士多啤梨就係淋喺新地上嘅士多啤梨漿，食落，好彩味道又唔係完全一樣，甜少少；雪糕新地嘅雲呢拿味夠；而脆脆.......竟然就係威化筒碎，重要唔多。食完新地就見到放喺底嘅蛋糕，兩件仔嘅蛋糕都係雲呢拿味，但都幾甜吓。整體感覺又係被搵笨。服務:我同CY去到，我排收銀o個邊俾錢，CY排八達通o個邊，我o個條龍只有3個人，唯一一個收銀攪好耐至攪掂個要包唔要肉o既印度人，之後佢竟然唔見o左人，重有人龍o個喎，咁都得？最後係CY用八達通買o左。

收工慢嘗18件麥樂雞
最近麥當勞推出了18件麥樂雞和4款滋味醬，身為麥樂雞愛好者當然不會錯過這好機會，要親自試試味。4款醬包括韓式辛辣醬、蜜糖芥末醬、韓式烤肉醬和檸檬香草醬。這4款醬安排得頗有心思，兩濃兩淡，兩紅兩白，分配平均。兩款紅醬較濃味，反之白醬味道則相對較清新。有18件，十分滿足，兩至三位胃口小的女生也能分享一客。這麥當勞位於石門工業區旁、萬怡酒店樓下，關門時間約晚上十一時半。午飯時間很多上班族來光顧，住在碧湖區的居民與酒店住客晚上也會來吃個夜宵。

下晝想便便地飲杯野，Hea下，便去了麥當勞，點左杯熱奶茶，呢杯熱奶茶一D都唔馬虎唔簡單，茶葉系紅茶，經過泡茶調出黎，奶嘅份量剛剛好，飲落去嘅感覺好滑，濃濃嘅茶味，但入口後又感受到奶味，我無落糖已經覺得好好飲慢慢坐下，思考下，又一個不破費嘅下午茶

石門麥當勞環境優美坐得舒服但因趕住返工無時間享受店員手腳好快今日又唔多人點左開心樂園餐拎走等幾分鐘就走得麥芝蛋，薯餅，鮮橙汁麥芝蛋茄汁好多好味道薯餅淋左，唔好食鮮橙汁好健康

Busy morning in this remote area, quite weird as industrial building and 4star hotel is just opposite with each other. Well..... At least give me a place to take a coffee break.Barista suggest to try this new sea salt caramel latte. Coffee base is same as caramel latte what usually on menu. The only different is the drawing on top which using salted caramel as paint. I can't tell if that's really sea salt but that little touch of saltiness give life to caramel with much complexity.The barista is