Video
Read full review
2023-05-27
565 views
自己一個頹頹哋嚟東涌搵食，唔想去東薈城貴餐廳所以走咗去富東邨街市街市入邊有賣外賣嘅檔：韓國菜、港式小食、包點等，可惜冇堂食位，所以最後去咗附近啲餐廳因為唔想食連鎖店，所以去咗呢間～餐牌選擇超多，丼飯、烏冬、拉麵、關東煮都有！全部$50左右▶️ 和風牛肉拼燒雞飯 ($49)見係「招牌」，加上張相好吸引，當然試吓實物同張相一樣咁大份豐富🤩份量驚人，成個盒裝滿飯，略略估計有三碗，足夠兩個人分面頭放上一排雞扒、蔬菜、牛肉，十分整齊靚仔牛肉薄切，似吉X家嗰啲，只係冇咁多肥肉同筋，材料靚好多🐂質感唔韌唔難咬，唯一係醃得比較鹹🤏🏻好彩有飲品同餸白飯食伴隨嘅洋蔥炒至金黃軟身焦糖化🧅甜甜地好正雞扒用上脾肉，烹調到粉粉地色，肉質鮮嫩多汁🐓充滿油脂而唔肥外皮煎到香脆，有啲似串燒烤雞肉或印度烤雞調味醬汁唔多而夠味，所以冇蓋過雞肉鮮味，證明唔係雪藏肉(可能直頭喺隔離街市買😂)中間有西蘭花椰菜花隔開兩邊🥦應該係烚嘅，冇乜調味，非常健康白飯唔怕冇味，一邊索晒牛肉啲和風汁，另一邊索咗雞油，變相一個飯可以品嚐到兩個口味😋抵呀～(食到一半影嘅，原諒有啲核突🙈)米飯用上日本珍珠米，食落粒粒飽滿，唔會一嚿嚿，唔係隔夜飯，軟硬度
街市入邊有賣外賣嘅檔：韓國菜、港式小食、包點等，可惜冇堂食位，所以最後去咗附近啲餐廳
因為唔想食連鎖店，所以去咗呢間～
餐牌選擇超多，丼飯、烏冬、拉麵、關東煮都有！全部$50左右
▶️ 和風牛肉拼燒雞飯 ($49)
見係「招牌」，加上張相好吸引，當然試吓
實物同張相一樣咁大份豐富🤩
份量驚人，成個盒裝滿飯，略略估計有三碗，足夠兩個人分
面頭放上一排雞扒、蔬菜、牛肉，十分整齊靚仔
和風牛肉拼燒雞飯
$49
42 views
0 likes
0 comments
牛肉薄切，似吉X家嗰啲，只係冇咁多肥肉同筋，材料靚好多🐂質感唔韌唔難咬，唯一係醃得比較鹹🤏🏻好彩有飲品同餸白飯食
伴隨嘅洋蔥炒至金黃軟身焦糖化🧅甜甜地好正
雞扒用上脾肉，烹調到粉粉地色，肉質鮮嫩多汁🐓充滿油脂而唔肥
外皮煎到香脆，有啲似串燒烤雞肉或印度烤雞
調味醬汁唔多而夠味，所以冇蓋過雞肉鮮味，證明唔係雪藏肉(可能直頭喺隔離街市買😂)
中間有西蘭花椰菜花隔開兩邊🥦應該係烚嘅，冇乜調味，非常健康
白飯唔怕冇味，一邊索晒牛肉啲和風汁，另一邊索咗雞油，變相一個飯可以品嚐到兩個口味😋抵呀～
(食到一半影嘅，原諒有啲核突🙈)
米飯用上日本珍珠米，食落粒粒飽滿，唔會一嚿嚿，唔係隔夜飯，軟硬度適中唔會俾醬汁搞到過濕
食完真係又飽又滿足！食淨幾啖飯，食晒所有肉已經覺得自己好勁👍🏻
▶️ 凍檸茶 (+$4)
正常檸茶味道，一開始覺得好甜，但係一邊食個飯一邊飲就覺得好爽🥤甜甜地可以中和返鹹味
-
對佢有呢個質素感到非常驚喜🤯高質過日式連鎖店Suk___ya ／Yoshi__ya
晏晝嚟到好多人買外賣，亦有好多電話落單order，多為富東邨居民熟客
店舖好細，只能容納七位食客，所以我快快脆食完就走人，但都幾鍾意佢啲位全部獨立位，一個人食都唔尷尬🙈
服務OK，姨姨非常勤力，見佢又接電話又落單又出餐，但對我幾nice，我臨走嗰陣順手還返個盤俾佢，佢都有唔該我☺️
唯一係都要等一陣先上餐，因為每個餐都係即叫即整，所以送到上枱先暖笠笠♨️
亦可能因為人手不足問題，即使堂食都要用發泡膠盒同即棄餐具，有啲浪費同唔環保♻️，但都理解
CP爆值！$50食到一個咁巨型足料嘅飯再包飲品真係抵到爛(個人覺得飯抵食過烏冬/拉麵)
呢間真係隱世高質平民小店 (雖然OpenRice有劣評，不過都已經幾年前，所以可能佢改善咗？)個人覺得佢好underrated，好值得支持吓😙
Post
