南洋麵屋 (Closed)

這間南洋麵屋位處北角渣華街街市對面，門口有一間廿四小時報紙檔，鄰近地鐵站，非常容易搵到。座位寬躺，環境佈置也蠻有心思，牆上掛有不同吊畫，門口正中間還有一幅好靚嘅食物相，會引起食客食慾👍🏻經理先送咗一碗冬瓜清湯俾我哋，清清地幾開胃。我先點了馬拉盞炒貴妃苗($48)，菜苗咬口好柔嫩同馬拉盞味道啱啱好，唔會太濃味。主菜叫咗軟殼蟹撈檬($68)同巴東牛肉配印度酥餅($68)；撈檬係正常水準，巴東牛肉記得記得記得一定要配酥餅，點個巴東咖喱汁簡直一絕。甜品點了芒果糯米飯，有驚喜！糯米飯係新鮮微暖，配合埋個椰汁好好味，芒果都幾甜。最後仲有大樹菠蘿啫喱作結。整體係一間不錯嘅東南亞美食店。