我地兩個人叫左個2-3 人餐食，一坐低店員就勁快上調味料同前菜斟茶！👍🏻👍🏻👍🏻
前菜係任添既🙌🏻有沙律菜，薯蓉、辣羅白絲等。
店員時不時都會過來幫手斟茶，茶係麥茶，所以就冇叫到飲品了。
開餐前店員會介紹點樣食，同埋介紹餐廳既招牌麻醬，仲會幫手調埋醬汁，醬汁會用上招牌麻醬+3圈醋+1圈醬油+芫荽+蔥。可以點招牌肥牛、招牌瘦肉食。而燒肉汁味粉就可以點橫膈膜等。
一上茶我地即刻燒老太太特色肥牛同瘦牛，勁快就熟，即刻點下招牌麻醬試試，不得了，非常之夾，牛好淋，入口即溶！！！
再燒埋橫隔膜同雪花肋條，有咬口，唔太靭，新鮮！
中間試埋其他小菜，芝士粟米同金針菇都好香，食下肉類再中和下慢慢食👍🏻
最後燒埋五花腩，夾住生菜食，點埋醬汁同夾埋蒜頭，韓式既食法！！
兩人埋單連加一$700幾，係抵食既，飽到不得了🤭😋😋
