Video
Read full review
2023-06-04
33 views
🍴🍽🍴🍽🍴🍽🍗🍗🍗🍗🍗🍴🍽🍴🍽🍴🍽-終於食到近年好出名嘅李家炸雞，果然冇令我失望😍，醬汁勁香濃，雞炸得好脆但又唔會油立立，炸皮又唔會厚，真係好食到停唔到口，唔怪之得分店愈開愈多。🥢 半半炸雞 蜂蜜蒜蓉味 $118 🆙每整舊炸雞都撈滿咗蜂蜜醬汁，應該係有炸完後預先撈好，唔會是但喺上面淋吓啲汁就算👍。雞肉每粒都好juicy同滑溜，原來李家炸雞至少醃咗24個鐘先去炸，唔怪得咁入味😯。炸皮鬆脆，撈咗醬汁感覺冇咁熱氣。🥢 半半炸雞 青辣椒蛋黃醬味 $123 🆙面頭嘅洋蔥切到好薄，唔會有辣同生嘅味，加埋有少少辣味嘅蛋黃醬，味道好有層次感亦都好邪惡。🥢 泡菜餅 $138 🆗配料有洋蔥仲有少少魷魚，薄餅唔會太厚實，鬆軟之餘都煎到好香口。配埋醬汁洋蔥味更香，亦有酸醋味中和返油膩嘅感覺。🥢 Apple Cider Rita $88 🆙食過韓式炸雞嘅都應該對呢類啤酒cocktail唔陌生，呢度嘅apple cider 配咗個算係好濃味嘅蘋果汁，就算飲到最後冰開始融都唔會太淡味，酸酸地唔又冰凍，啤酒果然係炸雞嘅perfect match 🤤。😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8.5/10環境 𝗘𝗻𝘃𝗶𝗿
-
終於食到近年好出名嘅李家炸雞，果然冇令我失望😍，醬汁勁香濃，雞炸得好脆但又唔會油立立，炸皮又唔會厚，真係好食到停唔到口，唔怪之得分店愈開愈多。
🥢 半半炸雞 蜂蜜蒜蓉味 $118 🆙
每整舊炸雞都撈滿咗蜂蜜醬汁，應該係有炸完後預先撈好，唔會是但喺上面淋吓啲汁就算👍。雞肉每粒都好juicy同滑溜，原來李家炸雞至少醃咗24個鐘先去炸，唔怪得咁入味😯。炸皮鬆脆，撈咗醬汁感覺冇咁熱氣。
🥢 半半炸雞 青辣椒蛋黃醬味 $123 🆙
面頭嘅洋蔥切到好薄，唔會有辣同生嘅味，加埋有少少辣味嘅蛋黃醬，味道好有層次感亦都好邪惡。
🥢 泡菜餅 $138 🆗
配料有洋蔥仲有少少魷魚，薄餅唔會太厚實，鬆軟之餘都煎到好香口。配埋醬汁洋蔥味更香，亦有酸醋味中和返油膩嘅感覺。
🥢 Apple Cider Rita $88 🆙
食過韓式炸雞嘅都應該對呢類啤酒cocktail唔陌生，呢度嘅apple cider 配咗個算係好濃味嘅蘋果汁，就算飲到最後冰開始融都唔會太淡味，酸酸地唔又冰凍，啤酒果然係炸雞嘅perfect match 🤤。
😇評價 𝗥𝗮𝘁𝗶𝗻𝗴𝘀😇
食物 𝗙𝗼𝗼𝗱 8.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.375/10
-
🍴🍽🍴🍽🍴🍽🍗🍗🍗🍗🍗🍴🍽🍴🍽🍴🍽
Post
