李家 (Ivy Street)

Open Now

Now Closed

今日又同大家去大角咀探店，呢間係大角咀大約開咗2️⃣年幾，喺尖沙咀人係韓國菜館嘅分店，設計走簡約風格🥰，最出名係炸雞🐓，因為聽聞大件夾抵食。今日就等我去睇下一探究竟。一坐低店員會奉上2️⃣款前菜，醃蘿蔔和椰菜絲沙律🥗，兩款都酸酸甜甜，作為食炸雞🐓之前嘅前菜非常適合。既然炸雞🐓出名，咁梗係要試下啦，炸雞款式選擇都幾多，分有骨🦴同無骨，又可以自選半半組合。既然可以選擇一半一半，咁就梗係試下多啲口味啦🥰。蜂蜜蒜蓉炸雞(無骨)(半份) $118一上枱嚇死我😳，呢個係半份份量？！咁多嘅？！對於我揀了無骨，炸雞🐓大大件，啖啖肉，表面塗勻了蜂蜜🍯但外皮仍然香脆，除咗鋪滿了蒜蓉🧄之外仲有好多原粒蒜蓉🤤。原味炸雞(半份) $93同樣大大份，半份大約有6~7件。原味炸雞外皮香脆🥰，入面juicy有肉汁，比出面好多連鎖店好食好多😋。韓式魚餅湯 $168食咗咁多炸雞，點返個湯🍲嚟飲下先。湯底味道濃郁，魚膏魚餅彈牙好味，雖然已經好飽，但係都忍唔住一口接一口咁食😋。西柚梳打 $38最後嗌咗杯西柚梳打🍊，飲完大滿足😋。

年又過年🧧新年同朋友聚會食飯少不了會食炸雞，最近去咗「李家」到食，相信大家對李家都唔陌生，見到佢出咗個新年炸雞set，都幾抵食! 😆餐廳先上前菜，有沙律同酸蘿蔔，幾開胃！套餐有半隻炸雞、韓式炒粉絲、紫菜粉絲卷x8、年糕香腸串、汽水x2新年炸雞2人套餐 - 無骨雞 $358起😋👍🏻🔹半隻炸雞可以自選1款口味，我就揀咗最鍾意食嘅 - 粟米炸雞，半份差唔多有5-6隻雞件，炸到好外皮金黃酥脆，咬落幾juicy，雞肉保持多汁嫩滑嘅口感，調味香甜，超推介👍🏻🔸韓式炒粉絲呢個份量多到4人食咁，我地直頭要打包走😂 粉絲本身柔軟爽滑，配料好豐富，有蔬菜、牛肉、香料，口感豐富！🔹紫菜粉絲卷x8每個粉絲卷都包住蔬菜同彈牙嘅粉絲，再加上海苔味道，入口幾清新😋 一口咬落去，有脆脆嘅口感🔸 年糕香腸串年糕同香腸串埋一齊，經過烤製後，年糕外層香脆，內裡保持柔軟嘅口感，而香腸肉質鮮嫩多汁，同年糕嘅口感形成對比，口感獨特，非常值得嚐試👍🏻🔹韓式魚糕湯 $168以為2人餐唔夠食，仲叫埋魚糕湯😂 結果飽到傻😂湯底鮮美清爽，魚糕一樣鮮嫩彈牙，湯中添加咗蔬菜同其他配料，增添風味，又好暖胃，咁凍嘅天氣食啱！

餐廳向來以其炸雞聞名其韓國菜式出品同樣正宗座位位置都舒適 適合與朋友家人聚會⍢半半炸雞 $188半半炸雞包括原味及甜辣味而且份量也很足夠！！炸雞都炸得外脆內嫩 雞肉都相當嫩滑重點是不會有太重的油膩感 而甜辣口味的辣汁調配帶甜不會太辣 非常惹味蔘雞湯 $198湯底鮮甜 帶有淡淡蔘味原隻雞軟嫩鮮美 性價比挺高倒入白飯 吸盡湯底鮮味精華想吃得沒這麼清淡 可配上隨餐附上的泡菜會更加點綴其鮮味辛拉麵 $58以韓式鍋原個呈上 所以保持到溫度拉麵麵質煙煙韌韌 配上半熟蛋 一流～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐李家📍大角咀埃華街75號地舖

今日嚟到大角咀見到呢間韓國餐廳好受歡迎🇰🇷裏面播住強勁嘅K Pop音樂🎤有種新潮的感覺❤️食韓國嘢就一定要試佢嘅炸雞 呢度嘅招牌果然好正宗😍其他韓國食物都好唔錯⭐️ 半半炸雞 🍗呢度果然係招牌炸得香脆又唔乾🔥食落唔會有油膩感😋配上甜辣醬有種酸酸甜甜嘅味道開胃🍎⭐️ 蔘雞湯 🐔飲落去濃濃嘅雞湯感覺好滋補☘️清甜嘅口味好自然💚 配上糯米同埋人蔘等各種藥材感覺好暖和😚⭐️ 蒸水蛋 🍳幼滑得黎又有一種Fluffy既口感🥰有一種家常溫暖嘅感覺

最近睇得韓劇太多，好想瘋狂食韓國野，今日約左朋友去大角咀，好彩朋友都支持我食韓國野，咁岩經過李家，好耐之前已經聽過呢個名，知道呢間餐廳主打炸雞，由於收工後實在太肚餓，所以一於幫襯下，睇下有無驚喜先。可能時間尚早既關係，我地一入到去已經搵到好舒服既座位，聽住好流行既KPOP，覺得自己好係去左趟博國咁！醬油炸雞話明呢到好出名就係炸雞，點都要試一試，餐廳好細心重要安排手套比我地，等我地食得盡慶D，講返個炸雞先，調得非常入味，炸到外脆內軟，雞肉亦都非常juicy，基本上唔同部位都食到，我最中意食雞翼，真係勁香同唔會過咸。泡菜餅一上菜既時候都已經覺得非常大份，泡菜既味道好濃郁，酸酸辣辣勁開胃，而非比起出面食到既泡菜餅好足料，配上特製既醬汁，非常夾，我同朋友都食左好多塊。牛膝骨湯每次去韓國餐廳都必點既一個湯，真係飲之後覺得很開胃，我好中意佢呢個湯底勁鮮味，牛膝骨亦都好入味而且口感非常豐富，呢個湯會配埋白飯，即使我地食炸雞食到好飽，都每人飲左2碗湯，重要一啖白飯配一啖湯，簡直係享受。

呢間韓國餐廳有好耐歷史，嘢食選擇多，樣樣嘢都好大份好啱一班人過嚟share✅燒烤雞甜甜辣辣好惹味，雞肉表面烤得金黃脆口，但入面仲保持住咁嫩滑嘅口感，仲係好juicy，又有好濃郁嘅燒烤香氣，另外都多肉，有三分之一都係成舊肉，冇骨，仲有兩隻雞髀添！✅牛肉炒粉絲牛肉炒得香口，但肉質嫩滑，粉絲亦都吸收咗啲湯汁，好入味，同菠菜、蘿蔔絲、洋蔥同煙煙韌韌嘅韓國粉絲一齊咬落口，真係有層次有咬勁。份量亦都幾足夠，飽肚又食得過癮✅西柚子味mocktail雖然唔含酒精，但味道都好豐富。杯中有新鮮嘅西柚子味，帶嚟一種清新嘅感覺。飲落去好解渴又唔會太甜膩，真係一杯好適合伴餐嘅飲品

呢間韓國餐廳喺港九新界都有分店，最近心思思想食炸雞，就諗起過嚟食啦！最鍾意佢哋有10幾款唔同嘅炸雞口味可以選擇！自選半半炸雞，今次我選擇咗青辣椒蛋黃醬無骨炸雞$123🍗，同埋甜辣無骨炸雞$103。外皮酥脆嘅炸雞裹滿青陽辣椒蛋黃醬，少少辣得嚟清新開胃，配上洋蔥圈，有種辛香味！甜辣炸雞就係不嬲我嘅最愛，表面淋上濃稠鮮紅的甜辣醬汁，令人食指大動！炸雞食落外皮酥脆，內裡雞肉嫩滑多汁，肉感滿滿！蔘雞湯配白飯和泡菜 $198蔘雞湯係朝鮮半島傳統名菜，以整隻童子雞，釀入糯米，湯頭佐以紅棗、薑、蒜和人蔘熬製而成，係滋補養生好物！

大角咀不嬲都好有好多小店美食，今次我哋就去咗一間食炸雞餐廳食午餐，一睇先知呢間餐廳原來有好多間分店。無骨半半炸雞我哋嗌咗個原味同甜辣味雙拼炸雞，另外加十元轉咗無骨，啲炸雞炸到外皮金黃鬆脆，咬落雞肉鮮嫩多汁，我自己比較鍾意甜辣味，甜甜辣辣口感更加豐富。芝士雞蛋卷上枱估唔到個雞蛋捲咁大件，一切開入邊啲芝士流晒出嚟，面頭加咗啲蕃茄醬同埋芥末醬直落更加有層次。泡菜鍋入邊有好多泡菜，另外有啲豆腐非常嫩滑同埋仲有啲金菇同埋啲豬肉粒，飲落湯底味道香濃，酸辣酸辣非常開胃。

今日嚟到元組炸雞店李家，佢哋嘅炸雞已經食過好多次，依然都係咁出色，仲可以揀無骨炸雞，啱晒懶人食😆玫瑰醬炒年糕🥘呢個炒年糕真係好驚喜，玫瑰醬嘅味道好特別，甜甜地辣辣地幾惹味，喺香港好少見到呢種好似烏冬嘅年糕，每一條都沾上滿滿的玫瑰醬，非常掛汁入味粟米🌽+蜂蜜蒜蓉🍯半半炸雞(無骨）半份都超級大份🫠蜂蜜蒜蓉炸雞仲有好多大蒜同埋蒜泥🧄每一舊都有好多蜂蜜醬汁，食落甜甜地好好味～粟米炸雞灑上左滿滿嘅粟米粉同埋粟米片，食落完全係粟米湯嘅味道👅炸得超級香脆，好似食緊粟米味嘅薯片咁，仲配埋好多切件粟米🌽

慕名而来的餐厅，结果点的炸鸡等了半个小时也没有上来，隔壁桌的炸鸡都已经上来吃完了，期间还问了店员，说是还在炸。肚子真的很饿了，后面进来的都已经快吃完了，也没有人和我们确定什么情况。过了二十分钟才来两盘小菜，也没有问我下没下单。最后是跑到后厨问店员，居然不知道我们点了什么，查单子才发现没有下单。然后才给下单，说是还要再等十分钟，好像并不是他们的事情一样。事后也没有任何表示，绝对是今年最糟糕的一次体验。

大角咀埃華街充滿了許多小店，各國料理齊聚一堂，今日特別想食炸雞，選了韓式餐廳「李家炸雞」來試試。餐牌選擇眾多，午市還有套餐可以選擇，種類多樣份量充足。今次點了—🍗無骨原味炸雞炸雞有多種口味，無骨的較有骨的貴5蚊，外皮金黃看上去超誘人，一口咬下外皮非常脆，雞肉鮮嫩多汁，選用的全是雞脾部位，值得稱讚。🍗芝士味炸雞金黃的炸雞表面再豪邁地撒上香濃的起司粉，比起原味的香氣更足。起司粉不會過鹹，與炸雞非常搭配，吃多了也不膩。🍗蒸蛋湯韓式蒸蛋外觀上比起日式的氣孔更多，口感上少了滑順多了點扎實感。給的份量巨大，一整大鍋前所未見。底部的蒸蛋帶點焦香，味道很棒。🍗雪濃湯在寒冷的冬天，走在首爾街上，尋覓著雪濃湯，是我們的回憶。溫暖滑順的湯底，放了滿滿的細麵條，與帶點咬勁的牛肋條，調味上不會過油或過鹹，另外還附上一整碗白飯，超乎預期飽足。整體而言，環境算寬敞，價位合理，炸雞非常美味，讓人意猶未盡，值得一試！

炸雞癮起就會諗起嘅炸雞店，因為李家永遠有質素保證🤚🏻今次去咗大角嘴分店，地點都方便，最遲9:30pm last order收工遲左都仲食到happy food😬✧ 自選半半炸雞 蜂蜜蒜蓉 ($118) + 芝士調味 ($118)無骨炸雞最正🙌🏻佢哋啲炸雞都做到外層唔厚粉，而內層雞肉係唔乾又滑滑地嘅👍🏻蜂蜜蒜蓉超惹味好juicy，啲汁甜甜地開胃唔膩，推薦呢個口味❗️芝士個款就係炸雞上面灑左芝士粉🧀，有芝士嘅鹹香吊味更加可以taste真啲個雞味🥰✧ 芝士辣海鮮炒年糕 ($178)調味夠辣但唔過分，芝士同海鮮份量大方年糕煙煙韌韌，唔會出事嘅一道菜2個人以上share都無問題 •ᴥ•

▪️燒烤雞 Grilled Chicken with BBQ sauce $198一上桌就已經聞到香噴噴的味道，鐵板很能保溫，烤雞夠晒熱辣辣，味道帶點微辣，相比起炸雞，烤雞嘅皮相對冇咁脆，但同樣美味得來又冇咁熱氣，仲有啲年糕添～食完烤雞，最好就係食返幾粒酸蘿蔔解膩☺️▪️芝士雞蛋卷 $128雞蛋卷口感非常豐富，蛋捲夠厚實，入蛋入面包住流心芝士，有微微嘅拉絲，配合埋蛋上面嘅茄汁同芥末更加滋味▪️炒粉絲 (牛肉) $158粉絲份量非常多，應該足夠四個人食😂😂炒得好香，材料幾足，有牛肉，唔同嘅蔬菜，不過記得趁熱食啊，粉絲凍咗就會容易黐埋一齊比較難夾！▪️Fruit SOJO $68 (桃味)食韓國嘢梗係唔少得飲返支燒酒啦！仲要係我最鍾意嘅水蜜桃口味🍑

我最近去左大角咀一間韓國菜餐廳叫「李家」食飯，真係好滿意。今次嗰餐廳嘅食物同服務真係令我印象深刻。首先，呢度嘅泡菜餅真係好好食。個餅香脆外皮，內裡柔軟多汁，再配埋啲韓國泡菜同醬汁，味道真係一絕。另外，魚餅湯都好過癮。湯底鮮味濃郁，魚餅又彈牙好食，令我食到停唔住口。不過，我最喜歡嘅菜式係鐵板燒牛肉。鐵板燒出嚟嘅牛肉鮮嫩多汁，燒得剛剛好，保持住牛肉嘅原汁原味。除咗食物好食之外，李家嘅服務亦都好到位。員工有禮貌友善，對於我哋嘅需求都能夠即時回應。餐廳嘅環境亦都舒適，氣氛輕鬆愉快，適合同朋友或家人一齊享受美食。總括而言，「李家」係一間值得推薦嘅韓國菜餐廳。食物美味，服務出色，環境舒適，係一個完美嘅用餐選擇。如果你喜歡韓國菜，我絕對推薦你黎「李家」試下，你一定唔會失望。

呢間餐廳好浪漫既燈光同電視播放住韓國明星既kpop歌曲，我地叫左一份半半炸雞，揀左有骨入面有雞翼同好大件既炸雞，份量好足料而且唔會好厚粉漿，入口juicy啖啖肉，前菜仲配有沙律同埋泡菜，職員友善提供手套俾我地用，仲有推介雪濃湯好濃郁牛骨湯味入面仲有麵條同埋白飯混入湯底食好夾。@李家 #李家 #大角咀 #炸雞 #抵食 #半半炸雞 #韓國菜 #泡菜 #foodie #香港美食 #大角咀餐廳 #埃華街 #炸物 #hkfoodie