Lung Ting Teppanyaki

價錢同質素唔成正比，太貴但唔好食，性價比極低。魚生同海膽唔新鮮，三文魚他他同溫泉蛋冇味。生蠔，龍蝦，帶子，聖子算正正常常但稱唔上好食，鮑魚overcook好韌。鵝肝多士塊多士係搽定哂醬等塊鵝肝煎好先擺上去，到塊鵝肝煎好塊多士已經淋過毛巾，一啲都唔脆。鐵板燒師傅將食材擺落鐵板嗰陣好大力，彈到啲油周圍都係。侍應好友善但根本未背熟每一道菜嘅資料，介紹每一道菜嘅時候口窒窒，成個感覺係根本唔熟悉自己間餐廳嘅嘢，枱面嘅水飲晒但等咗好耐都冇人斟。成晚唯一highlight就係鐵板燒表演一下倒酒噴火。整體評價總結係性價比極低，人均$1120食啲咁嘅野，好睇唔好食，俾錢買難受，失望。