泰皇閣泰國菜館

Open Now

Now Closed

因推介已揀咗呢一間，中午12零鐘嚟，三個人唔駛等就可以就坐，遲少少都要等位，大部份客都係嗌午市套餐，不過我哋就想試吓其他唔同嘅嘢，三個人嗌左六樣餸，三杯飲品。先來龍眼冰和芒果沙冰，味道份量都唔錯，不過上菜一嚟就上咗炒菜先🙄，之後再嚟蛋包泰式炒河，反而小食蝦餅之後先至到，次序有啲亂來。蛋包泰式炒河，賣相唔錯，不過好少料，得三隻蝦同埋三粒豆腐，炸蝦餅口感唔錯，不過有啲雪藏味，軟殼蟹咖喱個汁好好味，軟殼蟹炸得幾靚，再加埋法包一齊食，真係唔錯，大蜆粉絲同樣有賣相有份量，不過蜆就唔係好新鮮有陣怪味，串燒就好一般，雞燒到好乾，第一碟上嘅馬拉盞炒椰菜苗比較多油，不過都幾好味，其實食物基本上係有質素，可惜食完離開之後發覺好口渴，似乎係味精反應，舌頭麻痹，飲咗成公升水都唔係好掂⋯⋯🥲