四點金飯店 (Closed)

作為潮州人，我對潮州菜要求好嚴格，今晚朋友同我黎佢屋企附近推介既打冷鋪。普寧炸豆腐外脆內嫩，韮菜汁雖然淡味但都幾香，無論熱辣辣定攤凍少少都好味。 食過唔少普寧豆腐，呢度真係整得幾有水準。滷水獅頭鵝鵝味幾濃，滷水入味，雖然未算有好特別既滷水香，整體黎講都合格，太多食唔哂，帶左d返去俾屋企人試下。 鵝肉比底下既豆腐多好幾倍，真材實料。家鄉煎蠔烙老實講同正宗蠔烙完全唔同，正宗係濕濕地用麵糊同蛋煎成，當係食港式改良版都可以接受，幾香口，蠔仔夠足料。