Namo Avant Thai Restaurant (Closed)

望住維港夜景食泰菜🇹🇭Namo Avant Thai Restaurant同國際名廚 Bobby Chinn 研發左幾個新菜式。餐廳環境好大，有室外位置可以一路望住夜景一路嘆泰菜。呢間餐廳嘅菜式款式好多，性價比仲好高添🤩先介紹幾個頭盤🥗燒豬頸肉，用泰國青檸葉、辣椒同羅望子醬烤製，份量好多，香口又keep住Juicy。配埋醬汁食好開胃。呢到仲有生蠔添，雖然唔係好大隻，但好新鮮爽甜，仲有得配泰式辣醬，呢個組合好特別🦪另外大家一定要試吓，鵝肝脆餅配芒果莎莎🥭🥭鵝肝脂肪十足，厚身肥美，夾埋脆卜卜米餅，同酸酸甜甜芒果莎莎解膩，食多幾件都仲得😝我哋點咗兩個主菜，一個烤羊排一個紅咖喱脆皮軟殼蟹。羊排醃得好入味，唔會有好強嘅臊味，份量都好多有五六件。煎得岩岩好，好嫩滑，加埋佢哋係BB羊，唔會韌 ，超級推薦！另外嘅軟殼蟹係新鮮炸，脆卜卜。超大碟咖喱，creamy帶有淡淡嘅海鮮味，用黎點薄餅食一流。