Video
Read full review
2023-10-05
1678 views
一早訂咗枱坐露台位 仲book 咗甜品+字 電話已經問定到時要唔要提一提加咗字 但職員話會寫低 唔洗提 同事會知 咁我仲覺得 嗯 山頂餐廳 服務有返咁上下 點知…..夜晚去到餐廳 服務員就好殷勤咁帶我地去露台位 都幾開心 因為佢地安排嘅位我覺得係最好個張🥰 香港夜景真係好靚 個晚仲要有啲風 一啲都唔熱 非常舒服 坐低睇下餐牌 傾下計咁 服務員就忍唔住行埋黎問 揀好食咩未😏 咁我地就有啲唔好意思咁拿拿聲叫😨🥩秘製紅燒乳鴿 $168呢個係餐廳推介 所以即管試下 又真係幾好味 皮好薄好脆 肉都算嫩滑 而且燒得好香 好惹味 本來唔太肚餓嘅我 突然多返啲食慾😚😨食食下見到有個客應該食完埋單 個客咩好晒袋企咗係圍欄邊睇風景影下相 突然個服務員就問佢係咪埋單 仲拎部機出黎示意可以埋單 個客就話想陣間先 因為想睇下景影下相先 個服務員就企係側邊等 一路望住個客 好似驚佢走咗唔埋單咁 我地見到都覺得少少odd😳……….🥩烤法式羊架配杏鮑菇 西蘭花 薯仔 $288上菜個下 俾個賣相🫣….er 麻麻地 不過羊架幾juicy 肉質好嫩好腍 個面少少脆 唔錯 但其他配菜就好似冇咩特別烹調 所以一般 ..🫣😨食食
夜晚去到餐廳 服務員就好殷勤咁帶我地去露台位 都幾開心 因為佢地安排嘅位我覺得係最好個張🥰 香港夜景真係好靚 個晚仲要有啲風 一啲都唔熱 非常舒服 坐低睇下餐牌 傾下計咁 服務員就忍唔住行埋黎問 揀好食咩未😏 咁我地就有啲唔好意思咁拿拿聲叫😨
🥩秘製紅燒乳鴿 $168
呢個係餐廳推介 所以即管試下 又真係幾好味 皮好薄好脆 肉都算嫩滑 而且燒得好香 好惹味 本來唔太肚餓嘅我 突然多返啲食慾😚
😨食食下見到有個客應該食完埋單 個客咩好晒袋企咗係圍欄邊睇風景影下相 突然個服務員就問佢係咪埋單 仲拎部機出黎示意可以埋單 個客就話想陣間先 因為想睇下景影下相先 個服務員就企係側邊等 一路望住個客 好似驚佢走咗唔埋單咁 我地見到都覺得少少odd😳……….
🥩烤法式羊架配杏鮑菇 西蘭花 薯仔 $288
上菜個下 俾個賣相🫣….er 麻麻地 不過羊架幾juicy 肉質好嫩好腍 個面少少脆 唔錯 但其他配菜就好似冇咩特別烹調 所以一般 ..🫣
😨食食下突然有個服務員扯走我隔籬張凳 少少俾佢嚇親 原來佢係想俾我後面個枱個女仔放袋 其實可以講聲……唔洗咁突然😰
😨8點左右 服務員話last call 問仲有冇野想叫 我就問甜品係咪都要而家落埋 佢就話係 我個刻就諗唔知佢地記唔記得我要加字呢 但為咗保持神秘 我個刻冇確認 叫完冇耐 已經拎埋部機黎埋單 我就問今晚係收幾點 佢話九點 咁我見都仲有時間可以慢慢坐 雖然有啲早但都ok
🍫Tiramisu
甜品黎到 冇字嘅😨😨😨 佢放低 諗諗下我都忍唔住舉手問一問 雖然已經冇驚喜 但都想追加返 我就同個服務員講 我個甜品應該有啲特別 我book枱個時order咗啲野 個服務員追問係咩？😓 我話應該有字 佢即場問我係咩字😑 我話我book 枱個時講低咗 可以睇返個record 佢個刻好似先意會到 哦 講唔好意思 話睇睇🫣 真係O晒嘴 不過佢加返之後都有再講唔好意思 咁我都冇乜野 但就覺得搞笑咗啲😓
😨未夠8點半 有個似經理 高級少少嘅行過黎話 我地今晚有啲野搞 十分鐘後就閂門 心諗 咦 有咩event呢 咁趕🤔 咁我地食完個甜品就走喇 走緊個時聽到有啲員工好開心咁話 換衫 收工🤔 我地行咗個圈落返去 再望返上去餐廳 見到熄晒燈 都未夠九點 哦 原來係趕收工🤷🏻♀️
😨估唔到一間咁老字號嘅山頂餐廳 我覺得個服務仲衰過茶餐廳 食物質素就正正常常 唔會有太大驚喜 但服務就超趕客 超失望 都幾影響氣氛 🤦🏻♀️ 完全唔值得推介🙅🏻♀️
42 views
0 likes
0 comments
39 views
0 likes
0 comments
36 views
0 likes
0 comments
Post
