翠華冰廳 (Closed)

荃灣舖新開，買過幾次早餐，覺得都幾好味，價錢算合理。今日晏晝去試吓，又見到有送紅豆冰優惠，入到去冇人招呼你，算，我又唔係去文華，自己揾個位坐低，自己serve自己攞餐牌，落單問男職員，like咗ig後，點先用到個優惠，男職員話唔知，要我落單先，有個女職員幫手，但都係唔知點用，再問咗個短頭髮叫“詩“嘅女職員嚟。隔咗一陣，啲職員走晒後，呀詩過嚟，“教“我要正常落餐先，俾錢時職員先會扣，其實你應該同你啲同事講，落單個個唔係我，點解要鬧我，仲要語氣帶恐嚇。實在太嬲，太激氣，所以我同出面收銀黑衫職員講，其實黑衫嘅幾個職員一直好好禮貌，好努力留客拉客，但前線職員水準真係好差，今次我係cancel張單走咗，冇食到，以後亦唔會再去。