米子燒肉家 (Closed)

一開始入去攞位，眼見有6-7張吉枱(每張枱4-5人)，我地5個人，就叫我地攞飛等，但後面有2-4人直入2枱，入去問個男人，佢話我哋想留張闊啲既枱比你地坐，咁我朋友就問幾耐有枱，佢話唔知，佢話我無理由趕啲客人走，但當時仲有1張枱無人坐(事後先解釋，話有4張枱個爐係未用得，即係有一張唔比我地入)，以為佢分2枱啦，點知又係5個人迫一枱，咁點解我5個人要等耐啲呢？好啦，開始入去啦，佢同我講限時個半鐘，咁點解一開始你同我講唔會趕人走唔知等幾耐？開始燒嘢食，越燒就越熱，睇住個經理幫隔離枱開個抽風，我先知原來我哋坐個張枱壞左地下抽風，我話咁點解你安排一張壞既枱比人，佢話上面抽風正常，係地抽壞不過無問題，我話當時有3張枱，你點解比呢張我，個男人就插嘴啦，話我比2張你地揀，你地自己揀呢張，咁我揀呢張係隨心啫，我唔知你張枱壞架嗎，你瀨我自己揀呢張？你無病呀？整體黎講，食物質素可以接受，但服務態度真係好有問題，絕對無下次！