Video
Read full review
2021-08-11
94 views
本身擔心會冇位所以晏就已經打定電話book枱，留佐3位1800到，侍應表示1800有位，但要1930交枱， 本身諗住唔通咁full？都唔緊要啦1.5hr都夠時間食就okay佐。如是者我哋1800到達餐廳準時入座，由入餐廳開始主要都係一個叔叔serve我哋，開頭都冇乜問題照常叫野食仲叫我地自便🙂。大概1830就開始上菜，約十分鐘左右上完哂野食，呀叔就搬定隔嚟張枱拍埋我地張枱到，同我哋講一陣間1930有枱客要用，叫我哋唔洗理佢繼續食🙂🙃。哇，野食啱啱到齊都未開始食，佢係咪曲線話我哋知我哋要準時1930交枱？都算數 唔緊要。然後我同朋友一邊食一邊傾下計，久唔久就會見到佢係到望下我地食成點，令到我哋原本傾得好開心都食到我哋好拘謹。再食食下，1900 呀叔又走埋嚟，同我哋講: 食成點呀？ 食唔食得切呀？仲有半個鐘扎喎，七點半要交枱喎。我同朋友臉色都變哂，仲有成半個鐘，點解要每隔半個鐘提示我哋一次？當時我哋其實已經將全枱所有食物食佐一大半，跟本唔成問題。仲有當時隔嚟其實仲有一張四人枱，一張二人枱，仲未計佢搬過嚟個張二人枱！舖頭另一邊我都仲見到幾張吉枱，跟本未需要吹得我地咁迫切！1915，呀叔又走埋
如是者我哋1800到達餐廳準時入座，由入餐廳開始主要都係一個叔叔serve我哋，開頭都冇乜問題照常叫野食仲叫我地自便🙂。大概1830就開始上菜，約十分鐘左右上完哂野食，呀叔就搬定隔嚟張枱拍埋我地張枱到，同我哋講一陣間1930有枱客要用，叫我哋唔洗理佢繼續食🙂🙃。
哇，野食啱啱到齊都未開始食，佢係咪曲線話我哋知我哋要準時1930交枱？都算數 唔緊要。
然後我同朋友一邊食一邊傾下計，久唔久就會見到佢係到望下我地食成點，令到我哋原本傾得好開心都食到我哋好拘謹。再食食下，1900 呀叔又走埋嚟，同我哋講: 食成點呀？ 食唔食得切呀？仲有半個鐘扎喎，七點半要交枱喎。我同朋友臉色都變哂，仲有成半個鐘，點解要每隔半個鐘提示我哋一次？當時我哋其實已經將全枱所有食物食佐一大半，跟本唔成問題。仲有當時隔嚟其實仲有一張四人枱，一張二人枱，仲未計佢搬過嚟個張二人枱！舖頭另一邊我都仲見到幾張吉枱，跟本未需要吹得我地咁迫切！
1915，呀叔又走埋嚟話幫我地閂火鍋爐，又問我哋食成點 跟住叫我哋埋佐張單先。Okay冇問題，我已經攞定卡準備埋單快快脆走人。 埋單個陣仲離譜，簽完卡呀叔遞張單據俾我同我講: 呢個你應得架！😦😦😦
咩事呀！！ 我嚟食飯俾錢全程好似有個提示鬧鐘都算啦，咩叫我應得架？！
食完呢餐唔會再嚟！ 服務態度差！ 呀叔全程用好似好有禮貌既聲線，但係不斷催促我哋快啲交枱，俾錢仲要俾說話客人聽！ 呢啲係應有既態度？ 如果唔係同朋友一齊唔想破壞氣氛！我已經可以岀聲罵！！
另外食物質素一般，由其串燒最差，豬肉串燒有臭味似唔新鮮豬肉，雞軟骨有雪藏雞味。刺身普通可接受，拖羅有骨，海膽有啲滲水同散。
Post
