天天海南雞飯 (ELEMENTS圓方)

Open Now

Now Closed

食物、環境ok，但服務態度真心差☠️，冇笑容唔在講，點個餐要等，啲語氣唔想做你生意咁，講嘢鬼食泥又黑口黑面。望住隔離嗰枱，嗌幾杯奶茶，有分少甜呀少冰個啲，嗰waiter拎住3杯嘢放落嚟，就咁抽走每杯嘢裡面張order紙，一句嘢都冇講就走，啲客要自己試邊杯係甜啲少啲。btw真係未試過入一間餐廳，係冇一個員工有笑容，係一個都冇呀🤯真心想知佢地係咪受咗咩苦難。然後不停聽到啲員工講粗口。究竟香港啲餐飲業幾時先明白，一間餐廳，無論啲嘢食有幾好味都好，因為啲服務態度差，就會令人唔想再嚟，因為我未食野之前，心情已經差咗。其實係咪因爲而家間間嘢都國際企業，就覺得自己唔憂做？可能我呢篇嘢都唔會有咩用，最後都會俾一推好評淹沒，但我今次真係太憤怒，不得不係open rice打出我第一篇評論。希望有人睇到，就可以避免一次不必要嘅「俾錢買難受」經歷。