三希樓 (Closed)

朋友從台灣過來香港過生日，以前我哋去中環嗰間食架,而家銅鑼灣開咗,我哋又係冇車之人,梗係去銅鑼灣方便啲啦！我哋一行十人，坐低就叫咗好多嘢食，我朋友係牛魔王，佢就已經點咗兩碟大嘅牛肉，一疊係安格斯牛肉，一定係本地手切肥牛啊，湯底方面，因為有啲朋友唔食辣，所以我哋叫鴛鴦火鍋，除咗牛肉，我哋仲叫咗打邊爐唔少得嘅炸魚皮，鴨血，韭菜餃，蟹柳，牛丸，墨魚滑，雜菜，腐皮，樣樣都好好食呀，到最後嗰雜菜籃係一條都冇郁過，個雜菜擺得好靚，好似一札花咁，我覺得人哋擺得咁靚，嘥咗，於是我就成個雜籃打包返屋企。