十八夢

Open Now

Now Closed

話晒係好朋友嘅生日，梗係要搵間儀式感滿滿嘅餐廳紀念下呢個大日子🍻 聽朋友嘅介紹，我哋呢晚嚟到位於 #銅鑼灣 嘅「Meta Stages 十八夢」。餐廳嘅裝飾都以華麗 bling bling做主題，一入大門轉右就會見到一個九米長嘅LED螢幕，周圍滿佈充滿舞台感嘅裝飾，十分養眼👀呢晚我哋嚟除咗想嚟食餐好嘅之餘，另一個目的就係為咗欣賞餐廳團隊為我哋安排嘅特備節目😎 而呢晚就以「#愛」為主題，#駐場歌手 就將唔同嘅 #情歌 整合，唱足100分鐘，回憶殺返晒嚟😉 🥗前菜西班牙式鱈魚片焗到脆脆嘅鱈魚片，配上西班牙特色醬汁，酸酸辣辣嘅口感，令人好開胃🤤魚子吞拿魚醬配多士魚子入口脆卜卜，將吞拿魚蓉混合再配埋多士一齊入口，口感非常滿足🤤🥩主菜燒豬鞍架厚厚嘅豬鞍肉非常肥美，肉質鮮嫩得嚟帶有油香，跟埋啲配菜一齊食，充滿層次感🤤比目魚柳意粉厚切嘅比目魚柳，配合一層燒得脆脆嘅魚皮，意粉似乎混入咗中式嘅蒜蓉豆豉醬，整個配合好惹味🤤🍰甜品充滿儀式感嘅甜品盒，以遊樂場為主題🎡 服務員將蠟燭點上，形成一個小煙火嘅場面，加埋面前非常特色嘅甜品，非常治癒！朱古力蛋糕味道濃郁，不過手工製嘅macarons亦非常唔錯