別忘了

Open Now

Now Closed

睇過Alfred 介紹，知道老闆好有心，今日特登過去幫襯🫡別忘了係一間天水圍新開既任食台式打邊爐，雖然店面唔大，但麻雀雖少，五臟俱全，自助區仲有唔少係其他任食邊爐揾唔到既食物，例如羽衣甘藍、紫芯蘿蔔。 🤩🤩今次叫既湯底係鴛鴦麻辣同壽喜燒，兩個湯底味道都相當濃郁，唔怕加太多水會越食越淡。😜如果想食正宗既壽喜燒，仲可以單叫蘭王雞蛋，等客人可以將淥熟既壽喜燒牛肉撈入雞汁入面，享受正宗壽喜燒食法。 😎食物方面，今次食左極上牛翼板餐，包左3款任食牛肉同一款豬肉，每款肉切既厚度岩岩好，湯底滾起後只需淥幾秒即可入口，肉質嫰滑。😋另外仲嗌左花雕嫰雞肉，麻辣鴨血同台式墨魚滑，當中鴨血十分之驚喜，利用藥膳既醃法配合麻辣，估唔到原來幾夾。 🥳別忘了最貼心既係店員會好主動幫手加水同清理台面，飯後除左任食放題最常見會送既雪糕外，仲有好多唔同類型既甜品可以任叫，包括窩夫，布甸等等。而今次就食左鳳梨雪花冰，份量唔少！😆😆