Burgeroom (Fashion Walk)

事源有同事同我講BURGEROOM好好食(x10次)我心諗我都食過唔少漢堡，唔相信BURGEROOM有幾特別。

咁岩心血來潮想食漢堡就去試下。一去到，我睇唔出個侯生仔係侍應XD無視佢想衝入去XD估唔到星期一都咁FULL，入面冇哂位，要坐出面冇冷氣的位置…好在而家仲係初夏，都可以接受到。

叫野食係要入CASHIER叫的。我地叫左芝士煙肉牛肉漢堡、軟殼蟹漢堡同芝士薯條。因為之前已經從同事口中得知個包係超大，所以都唔敢叫其他小食。侍應端來漢堡，原本已經分好兩份，叫兩個款既漢堡就可以SHARE黎食啦

芝士煙肉牛肉漢堡：漢堡包外脆內軟，煙肉好似俾芝士同醬汁搶左啲味了，牛肉好大塊，好JUICY，多汁到係咁滴出來，而且味道好濃，並非一般貨色。

軟殼蟹漢堡都幾驚喜，因為係原隻軟殼蟹喺裡面！好正！整隻油炸，甘香脆口。同沙律醬好夾，不過一拎起咬睇一啖蕃茄已經掉出來，結構不及牛肉漢堡實正。

芝士薯條配上軟芝士，中上之作，不過驚喜欠奉，是穩陣之選。

一路打，已經一路掛住牛肉漢堡，I’ll be back!