八拾台式火鍋燒烤放題

Open Now

Now Closed

📍創興廣場上電梯呢間餐廳夜晚做$258台式火鍋放題，旺角嚟講價錢都正常。個餐包咗牛小排、牛板腱同封門柳食，上菜都快，但係個肉就偏薄。另外海鮮都仲有生蠔、海蝦、白鱔等等選擇，出邊就有自助吧可以揀其他肉類、丸類同蔬菜。比較特別係有牛孖筋同鵝腸。另一邊就有啲開胃前菜、小龍蝦同炸物，仲有當季水果，今日就有荔枝、龍眼同西瓜。甜品有雀巢雪糕、韓式雪條同埋豆腐花。飲品吧嚟講啤酒選擇都多，另外仲有啲韓國樂天飲品同燒酒可以揀。