Video
Read full review
2023-09-25
1014 views
坐低先奉上了功夫茶，為一餐飯做好預備~ Menu 都有好多嘢要啲時間慢慢揀下~精挑細選咗以下幾味:鵝三寶（鵝肉，鵝肝同埋鵝腸），呢個滷水好食~鵝肉唔鞋又夠曬入味，鵝肝好香好絲滑完全唔會一口粉，鵝腸爽口唔太肥但依然甘香，連墊底嘅豆腐都唔錯。點少少點醋相得益彰汕頭煎蠔烙 好脆卜卜，份量十足啊！而且鮮味唔油膩蠔仔方魚肉碎粥 蠔仔飽滿，加埋方魚嘅調味令粥底更加鹹鮮然後我哋想叫個菜，春菜未食過就問下姐姐係咩嚟，之後佢話係苦苦哋澀澀哋㗎… 咁我哋怕苦就要咗沙茶牛肉炒芥蘭，個芥蘭雖然爽脆但係都係苦嘅 😂 成個蔬菜menu 苦瓜， 春菜， 芥菜，芥蘭都係苦嘅… 唔知係咪佢哋嘅潮州特色啦。沙茶牛肉幾好食而且都多料但淨食就就有太鹹口（配飯可能好啲）===========吐糟分隔線============食物都正常，但埋單時一開始碌錯咗 card... 幾百蚊變咗二千幾，睇到眼都突同嚇到個心到離一離，食飯如果唔 check單同碌card單嘅就大鑊啦。依家越嚟越多分店，食物 Ok環境係靚咗 （敗筆係要去店同層個商場廁所，然後個廁所係沖唔都水 -___- 但呢個唔關間舖事嘅）但反而個感覺無以前新蒲崗嗰時咁開心，
Menu 都有好多嘢要啲時間慢慢揀下~精挑細選咗以下幾味:鵝三寶（鵝肉，鵝肝同埋鵝腸），
呢個滷水好食~鵝肉唔鞋又夠曬入味，鵝肝好香好絲滑完全唔會一口粉，
鵝腸爽口唔太肥但依然甘香，連墊底嘅豆腐都唔錯。點少少點醋相得益彰
汕頭煎蠔烙 好脆卜卜，份量十足啊！而且鮮味唔油膩
蠔仔方魚肉碎粥 蠔仔飽滿，加埋方魚嘅調味令粥底更加鹹鮮
然後我哋想叫個菜，春菜未食過就問下姐姐係咩嚟，之後佢話係苦苦哋澀澀哋㗎… 咁我哋怕苦就要咗沙茶牛肉炒芥蘭，個芥蘭雖然爽脆但係都係苦嘅 😂 成個蔬菜menu 苦瓜， 春菜， 芥菜，芥蘭都係苦嘅… 唔知係咪佢哋嘅潮州特色啦。沙茶牛肉幾好食而且都多料但淨食就就有太鹹口（配飯可能好啲）
===========吐糟分隔線============食物都正常，但埋單時一開始碌錯咗 card... 幾百蚊變咗二千幾，睇到眼都突同嚇到個心到離一離，食飯如果唔 check單同碌card單嘅就大鑊啦。
依家越嚟越多分店，食物 Ok環境係靚咗 （敗筆係要去店同層個商場廁所，然後個廁所係沖唔都水 -___- 但呢個唔關間舖事嘅）但反而個感覺無以前新蒲崗嗰時咁開心，啲 staff 有d hard sell（不停叫你叫海鮮嗰啲啦），服務態度就一般，整體就有小小掃興啦
事後小插曲，話説懶惰如我係經 Openrice 網上訂位嘅，個訂位除咗 Rice Dollar 係無折頭。但事後佢哋話我無出席，咁我正常就同 Openrice 方面反映返啦，之後店鋪即刻好熱心地 message 我，問我拎單 record 又問我幾位光顧。呢個事後嘅突然受寵若驚呀真係… 😂
Post
