銀之冰室 (Closed)

咁啱行到呢邊 諗住睇吓有咩好食 點知超級有驚喜！！店舖走一個懷舊文具嘅風格，卡位玻璃枱下面擺咗好多舊式嘅卡通文具，例如啲兩層筆盒，鉛筆等等，真係幾特別，而且餐廳大，環境亦都幾舒服。嘢食方面，試咗焦糖蒜香蜜汁骨，嚟到賣相已經好好，而且超級好食！做到好脆又熱辣辣，蒜味適中唔會話過重，配埋蜜糖嘅甜味，真係好惹味，用嚟送飯一流！另外亦都試咗龍脷柳忌廉檸檬意粉，龍脷柳幾滑，成個意粉嘅味道有少少檸檬嘅酸味同香味，食落口超級開胃，絕對值得一試！同樣賣相亦都唔錯！值得一讚嘅係餐廳服務態度都唔錯，waiter見到我唔知食乜好都有主動推介有啲乜嘢好食👍🏻呢間餐廳真係值得一試👍🏻