之前都有試過同朋友食係棉登徑嘅另一間燒肉餐廳。
今日再經過棉登徑，見呢度餐廳裝修時尚闊落，再睇埋佢餐牌嘅食物相，就俾佢吸引左入去試吓啦。
食完之後真係真心覺得佢比棉登徑另一間燒肉餐廳真係好食好多啊🎉🎉🎉
我哋叫咗五使二人套餐Set A，另外再點左一杯草莓梳打特飲同埋乳酸梳打特飲。
梳打特飲唔會太甜，仲有啲蒟蒻喺入邊👍🏻
套餐包括沙律，前菜同泡菜
主角到啦🎉 係和牛牛五花，黑椒鹽花牛肋骨同美國Prime牛肋骨🤤 真係見到都口水流
肉同脂肪嘅比例好似雲石咁
🤤
1
真係好好味，大滿足呀❤️👏🏻👏🏻👏🏻
雖然係燒肉，但餐廳嘅抽風系統做得好好，食完返公司做嘢都唔會一陣味👍🏻
下次要來試吓個晚餐先，咁就可以係自己張枱自己斟啤酒，食下燒肉啦☺️
