首先出場的係溫室南瓜沙律，完全深得我心，南瓜的甜味加上洋蔥的爽脆，入口順滑飽滿，推介!! 之後就送上特式壽司，三款放埋一齊好壯觀，而且原來自己叫咗咁多，畫面豐富之餘份量都十足。
彩虹卷上面有三文魚、吞拿魚、牛油果，而入面就係蟹柳同青瓜，內裡爽脆外層新鮮；富士山 有蟹柳、鰻魚、牛油果、脆片，鰻魚同牛油果嘅組合十分和諧，加上每件都分到大量蟹柳絲，仲有脆片入口卜卜脆，味道出奇地夾；煙花有三文魚同吞拿魚蓉，新鮮味美再加上脆片，軟硬組合好特別!
食完之後就嚟個日式冷麵，好經典的配料，再加上清新的醬汁，麵條爽口彈牙，一路食一路話有少少係日本的感覺啊；最後仲有一個秋葵蝦肉天婦羅，見到呢個組合幾新奇所以試下，一試就知係心機野。蝦膠彈牙，入口有陣陣鮮味，再釀入秋葵，很難得係鮮嫩的秋葵 (無渣!)，炸脆之後再沾上天婦羅汁，好好味啊媽咪!!
朋友果然無介紹錯，每一次上菜都係驚喜，一定會再返嚟食!!
