我地星期四去，唔係等左好耐位，但店內真係比想像中細，只齊合二三個人去食。
又熱又餓，坐底即刻叫左兩杯凍飲，我朋友等唔切我影相就飲左半杯😂😂
即整既奶昔，奶味濃，牛油果飲落幾健康咁😂😂
食越南菜一定要叫法包！！ 食落好豐富，啲菜酸酸地好開胃！而聽聞呢到既番茄蟹膏檬粉好好食，我見到朋友試食一啖之後露出左一個好幸福既表情個陣，我就知一定好好食🤤🤤 啲湯勁濃同鮮甜，好想成碗飲曬啊！！！同埋個豬紅好好食，成碗得兩舊唔夠喉⋯⋯
我地本身仲想食呢間店既綠豆糕同蝦卷，但估唔到賣曬⋯⋯星期四都咁好賣，咁六日黎咪咩都賣曬🤔🤔
總括而言，呢間店既食物質素係令人有驚喜，雖然離地鐵站有啲近，但都會再試
1
