Video
Read full review
2019-10-21
90 views
我自己都係玩音樂，好開心知道有呢一間又可以食嘢又可以夾band 玩live Music嘅地方，而且地點仲要係咁方便，非常支持呢間小店嘅概念！Menu主要係食西餐，都有十幾款選擇，有扒類，意粉，漢堡，仲有特色野飲，角落有隊live Band自成一角，黎relax呀，真係幾有味道。我睇睇價錢，嘩，非常抵食，性價比超高，我最後叫左個蜜汁豬仔骨，一啲都唔貴，而且仲係即叫即整，上菜嘅時候熱辣辣，香噴噴，兼且有兩大舊，我就慢慢品嚐。肉質都好滑，一條條肋骨可以輕鬆拉開，蜜汁都好match呢個款式，以呢個價錢非常滿意！我叫咗一杯特飲，開心果忌廉，平時喺街都唔多見呢個選擇，一於試吓，唔太甜，忌廉溝上開心果味好夾，有少少碎花心喺上面，好creamy下，好飲！鋪頭有好多特別佈置，設計左海報介紹黎咁嘅音樂表演，睇得出真係好有心搞音樂，每逢星期六晚上都有演出，俾個讚！
Menu主要係食西餐，都有十幾款選擇，有扒類，意粉，漢堡，仲有特色野飲，角落有隊live Band自成一角，黎relax呀，真係幾有味道。
我睇睇價錢，嘩，非常抵食，性價比超高，我最後叫左個蜜汁豬仔骨，一啲都唔貴，而且仲係即叫即整，上菜嘅時候熱辣辣，香噴噴，兼且有兩大舊，我就慢慢品嚐。肉質都好滑，一條條肋骨可以輕鬆拉開，蜜汁都好match呢個款式，以呢個價錢非常滿意！
我叫咗一杯特飲，開心果忌廉，平時喺街都唔多見呢個選擇，一於試吓，唔太甜，忌廉溝上開心果味好夾，有少少碎花心喺上面，好creamy下，好飲！
鋪頭有好多特別佈置，設計左海報介紹黎咁嘅音樂表演，睇得出真係好有心搞音樂，每逢星期六晚上都有演出，俾個讚！
Post
