始終未食過就周圍望下人地食咩，幾乎枱枱都有個鐵板”慶”住既芝士炒雞或RIBS，同埋炸雞。我地就都跟住嗌左芝士炒雞同埋半份辣炸雞。
個芝士炒雞連埋個GAS爐先上，等一等就有人幫你兜兜下炒埋一齊。餐牌寫住個炒雞係用雞髀肉，甘就一定滑😋😋 我好鍾意食D 配菜例如泡菜呀，個紫菜飯D紫菜勁香勁好食。好快炸雞都黎埋，半份黎講個份量比我想像中多好多，成7,8舊雞仲有薯條薯角。最正係個辣，平時都鍾意食辣野，D 炸雞個辣好好食，雞又炸得好，岩岩好夠嫩又有汁，炸雞又配左4隻醬，有隻黃色醬，應該係蜂蜜芥茉好好味好快就清哂雞。
因為炸雞好辣好滋味，我地重點食個份，搞到最後芝士炒同入面d 炒年糕食唔哂😭😭
價錢正常、食物中上，旺角區加上係黃店，難怪咁難等位～～
