晏晝差唔多四點幾五點唔需要訂枱
下午茶時段免加一
不過 餐牌晏晝夜晚差唔多
冬陰功意大利飯$88少少香辣嘅冬陰功 好夠香同濃
本身諗住佢加咗cream會好漏
但係其實食完成份係啱啱好
上面嗰舊泰式茄子有驚喜好好食
同埋個糙米飯好有咬口煮得啱啱好
好推介呢個
香草青醬意大利粉$88面頭有好多火箭菜
唔鍾意食火箭菜記得叫佢走
佢嘅香草青醬係自己做嘅 夠香夠味
但係真係好油 食到一半已經好漏
食咗大半之後頂唔順 成個碟都係油
唔怕肥膩嘅話可以叫 其實幾好味
但係我下次絕對唔會再叫
因為怕肥
焙茶燕麥奶（ 下面嗰杯）跟餐加$24幾鍾意佢啲熱飲
本來定咗配燕麥奶 仲可以揀改豆奶唔使加錢
平時出去飲嘢如果有得改燕麥奶我都會改
普遍都要加$5至$6
呢間唔使加錢感覺抵咗
焙茶味夠 甜度可以唔使改 唔會好甜
但 略嫌面頭嘅泡唔夠綿密
