殿 大喜屋

Open Now

Now Closed

香港人鐘意食壽司，而日式放題店隨處可見，但有質數有水準嘅真係少至又少，而殿大喜屋絶對可以算得係一間有水準有質數的放題店，佢有海膽手捲同軍艦，又有拖羅手捲同軍艦，單係依兩樣就已經係值回票價，其他食物刺身有水準，刺身溶雪處理得宜又新鮮，壽司又唔係大大件要質飽你，啲侍應勤快，但您知啦放題店你都唔會要求佢有禮，係啲坐迫啲啫。我重點講下有啲乜野好食喇。海膽手捲 - 必order，佢係無得用apps落單，要去門口排隊，師父都好快手咁整，完全無拖時間，分量都算多，但唔係好夠甜，但絶對唔苦嘅。章紅魚刺身 - 刀工幾好，夠薄，酸汁與章紅魚刺身好夾，又係必食。原條穴子壽司 - 原條大大條，食後好滿足呢。刺身 - 睇相就知佢哋嘅刺身都係靚貨嚟，放心order。其他放題店有嘅野佢都有，只會係更多，更好食，300內食個日式放題又要有啲水準嘅，殿大喜屋係一個好好嘅選擇。