La Casa Burger & Pasta (文咸東街) (Closed)

係上環既大街小巷都有好多唔同食肆，咩菜式咩國家既美食都有，今日黎到呢間都幾出名既漢堡店。一入到去餐廳裝修都幾舒服唔係好迫同埋menu都好清晰。主打係漢堡咁當然要試試去，試左佢個經典牛肉芝士漢堡同埋烤雞四川麻辣沙律，如果唔鍾意漢堡同沙律都可以配意粉，所以呢間店舖所幾細心照顧到不同需要既客人。揀完兩個主食之後見到二人套餐，睇睇下原來仲抵，又可以試到唔同既野，所以決定嗌個二人套餐，佢有兩個主食之外仲有個小食box，包左薯角，魚柳，雞翼，日本炸雞，另外仲有兩杯嘢飲，咁就決定叫杯雲尼拿奶昔，味道好好，唔會好heavy。之後見到有個洋蔥圈所以決定叫埋。埋單兩個人都係二百幾，係上環食到咁既質素，又叫到成枱都係，性價比好高，總括嚟講，值得推介。