Video
Read full review
2023-07-26
20 views
最近好愛食鐵板燒，搵到間除左鐵板燒食物之外仲有刺身既日式鐵板燒。今次我地無坐鐵板燒枱，可以慢慢談下心，有時有個師傅係前面傾計又好似唔係太方便，哩度可以比你揀，都唔錯。鳥海山鐵板餐 (二人前) ( $1,198 另加一 ) 😋日式醋汁沙律 雖然只有沙律菜同車厘茄，但佢個醬汁酸酸甜甜，好好味。而且做前菜可以更開胃。😋清酒今次食晩餐所以都叫左清酒配刺身。哩度好得意，佢攞左一盤唔同款式既清酒杯比我地揀，都好貼心。等你可以開心地用自己揀既杯品嘗清酒。清酒杯比較鍾意玻璃透明款，所以揀左一白一藍，打卡都靚d。哩款清酒都唔錯，清甜女仔都易入口。😋是日精選刺身有螺 , 墨魚, 一生一熟魚，全部都好新鮮，比較少食鐵板燒餐有刺身，好開心可以一次滿足刺身同鐵板燒食物。個熟魚都好出色，好鮮甜。😋活鮑魚+ 活龍蝦 + 鵝肝脆多士鮑魚真係最愛鐵板燒製法，係最好食的。但最緊要係隻鮑魚要夠厚同新鮮，仲有少少醬汁，好味呀。哩隻活龍蝦勁多膏，連埋d肉炒埋一齊，係食到原汁原味，有鮮龍蝦甜味加埋香濃既龍蝦膏味。鵝肝好肥美，底面都燒得香脆感覺，我最愛。佢唔用法包反而我覺得容易咬，而且炸得好脆既多士配埋香濃既鵝肝汁，無得輸。😋香
鳥海山鐵板餐 (二人前) ( $1,198 另加一 )
😋日式醋汁沙律
雖然只有沙律菜同車厘茄，但佢個醬汁酸酸甜甜，好好味。而且做前菜可以更開胃。
😋清酒
今次食晩餐所以都叫左清酒配刺身。哩度好得意，佢攞左一盤唔同款式既清酒杯比我地揀，都好貼心。等你可以開心地用自己揀既杯品嘗清酒。清酒杯比較鍾意玻璃透明款，所以揀左一白一藍，打卡都靚d。哩款清酒都唔錯，清甜女仔都易入口。
😋是日精選刺身
有螺 , 墨魚, 一生一熟魚，全部都好新鮮，比較少食鐵板燒餐有刺身，好開心可以一次滿足刺身同鐵板燒食物。個熟魚都好出色，好鮮甜。
😋活鮑魚+ 活龍蝦 + 鵝肝脆多士
鮑魚真係最愛鐵板燒製法，係最好食的。但最緊要係隻鮑魚要夠厚同新鮮，仲有少少醬汁，好味呀。
哩隻活龍蝦勁多膏，連埋d肉炒埋一齊，係食到原汁原味，有鮮龍蝦甜味加埋香濃既龍蝦膏味。
鵝肝好肥美，底面都燒得香脆感覺，我最愛。佢唔用法包反而我覺得容易咬，而且炸得好脆既多士配埋香濃既鵝肝汁，無得輸。
😋香蔥牛肉薄燒
多數都揀厚切，今次試下薄燒先。配埋好多香蔥係裡面，放入口就感受到好多牛肉鮮甜既汁。牛肉好嫩滑。
😋 味噌湯 + 日式炒飯 + 炒野菜
食完咁多好野，飲返碗清甜味噌湯中和返，唔錯。平時講真唔太喜愛味噌湯，但哩個湯味道又岩岩好, 唔會太濃味，我都飲晒。
就算幾飽鐵板燒既炒飯我一定會食晒，因為太喜愛。粒粒分明既日本飯，配上各樣配料真係好香口。仲要配埋個炒野菜，清甜既新鮮椰菜味，又食晒所有食物。
好滿足既一餐，首先讚下服務員好有禮貌，又貼心有酒杯你揀，食龍蝦時又比濕紙巾你。食物質素都好新鮮，師傅燒既技術都有水準。都值得黎飲下酒慢慢嘆下。
⭐️⭐️⭐️⭐️⭐️（5星為滿）
鳥海山鐵板燒 (長沙灣)
長沙灣昌華街23號富華廣場地下18號舖
飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #日式餐廳 #香港特色餐廳推介 #吃貨 #長沙灣美食 #鐵板超 #鐵板燒 #鳥海山鐵板燒 #活鮑魚 #活龍蝦 #yummy #hongkong #hongkongfoodie #hkfoodie #hkfoodblogger #dinner #lunch #brunch #japanfood #mt.chokai
1 views
0 likes
0 comments
Post
