Read full review
2016-08-30
329 views
上星期五晚，同兩個朋友去左尖沙咀間BV Kitchen & Bar happy friday一下。 間bar位置有少少隔涉，位於山林道最督督，唔係有朋友推介+帶路都唔知山林道有間咁好氣氛既bar。 餐廳地方闊落，仲有個廂房有karaoke, 飛標玩，啱哂想包房開party既朋友。北海道帶子沙律 ($118)我地首先點左一份帶子沙律做starter。雖然個名係沙律，但佢唔係好多菜個款，而係以帶子為主既前菜，配以底下酸酸甜甜既蕃茄sauce。帶子上面仲有魚子醬，賣相100分。 味道方面，帶子微微煎過，唔會煮得太熟，所以帶子裏面仲好嫩滑，而且非常鮮甜。配合埋個蕃茄sauce食仲有一種泰式風味，好正。 龍蝦蟹肉意大利粉 ($218)大推既菜式! 龍蝦汁非常濃，waiter話係由原隻龍蝦收汁收成，唔係普通街買既醬，絕對真材實料! 濃郁既鮮龍蝦汁沾滿每條意粉，好好味! 仲有啖啖既龍蝦肉同蟹肉，令意粉整體既鮮味提升，真係係一分錢一分貨的美味呀! 下次再黎一定會encore依個意粉!! 西班牙伊比利亞黑毛豬柳 ($288)黑毛豬都好有驚喜，佢唔單止presentation精緻，仲好好味。廚師
間bar位置有少少隔涉，位於山林道最督督，唔係有朋友推介+帶路都唔知山林道有間咁好氣氛既bar。
餐廳地方闊落，仲有個廂房有karaoke, 飛標玩，啱哂想包房開party既朋友。北海道帶子沙律 ($118)
我地首先點左一份帶子沙律做starter。雖然個名係沙律，但佢唔係好多菜個款，而係以帶子為主既前菜，配以底下酸酸甜甜既蕃茄sauce。帶子上面仲有魚子醬，賣相100分。 味道方面，帶子微微煎過，唔會煮得太熟，所以帶子裏面仲好嫩滑，而且非常鮮甜。配合埋個蕃茄sauce食仲有一種泰式風味，好正。
龍蝦蟹肉意大利粉 ($218)大推既菜式! 龍蝦汁非常濃，waiter話係由原隻龍蝦收汁收成，唔係普通街買既醬，絕對真材實料! 濃郁既鮮龍蝦汁沾滿每條意粉，好好味! 仲有啖啖既龍蝦肉同蟹肉，令意粉整體既鮮味提升，真係係一分錢一分貨的美味呀! 下次再黎一定會encore依個意粉!!
西班牙伊比利亞黑毛豬柳 ($288)黑毛豬都好有驚喜，佢唔單止presentation精緻，仲好好味。廚師將豬柳煮到七八成熟，keep住內裏既肉粉嫩又不失肉味。 另外好欣賞佢既配菜。南瓜好甜而且煮到好淋，仲有蕃茄仔表面有層香料，食detail就係依d。推介大家連埋伴碟既海鹽一齊食，會令成碟菜式既層次提升。
慢煮穀飼牛面脥肉(8oz) ($288)原來牛面脥既texture好似牛腩，不過就再淋d。8oz既份量比相象中多，可能因為肉味濃，所以食幾啖已經有d濟。女仔既話建議2~3個share黎食。
Day Dream ($108)Happy Friday當然唔少得嗌返杯cocktail。我叫左杯Day Dream (Lychee and Melon Flavor with a hint of milk)。依杯cocktail好易入口，偏甜同fruity，酒味唔算好濃，啱晒女仔飲。
Blue Aurora ($108)另一個朋友點左Blue Aurora (Rum base with peach with mint pepper)。賣相最靚，有幾個層次既藍。朋友話酒味唔算嗆，好易入口。
BV Teenage ($118)朋友點左相信係餐廳既招牌 - BV Teenage (Rum with fresh kiwi, sour apple with a hint of mint)，賣相好fresh好足料。試左一啖，冇我杯Day Dream咁甜，酒味相對出d。
值得一提係bv kitchen bar有駐場歌手，彈住結他自彈自唱，我地去個晚幾乎首首都全場合唱，超級好氣氛! 下次放工想鬆一鬆，一定會再黎。
Post
