探花 (Closed)

同長輩食飯唔想下下去酒樓，所以轉為黎食西式既中菜。紅燒乳鴿，乳鴿用秘製調味料浸足一晚，味道特別，皮脆肉嫩。青森蘋果叉燒酥，青蘋果既賣相可愛，柄係朱古力黎，外皮鬆脆有清香蘋果味，裡面卻係傳統既叉燒餡!蝦籽琵琶豆腐，非常推介，嫩滑到融化係口入面，蝦子份量多亦香。無花果鵝肝咸水角，因為餡料有別一般咸水角，食落係完全唔油膩反而有fresh同水嫩既感覺!!梁溪脆鱔，份量多!非常脆口!西班牙紅蝦炒面，紅蝦大隻啖啖肉，醬汁由蝦頭蝦膏整成咸咸地既汁，配脆口既炒面，非常特別。話梅車厘茄子，清新酸酸甜甜，非常開胃。鹹蛋黃竹炭蘿蔔酥，外皮酥脆，蘿蔔絲清甜，鹹蛋黃碎令個酥好香又惹味！呢度都有得開中式茶，龍井、烏龍、鐵觀音，家人食完都覺得非常唔錯!店員全部都好有禮貌同埋親切，會介紹菜式，同埋添水好快。每道菜都係落足心機亦有創意，非常賞心悅目。地方環境都舒適同埋幾有情調，值得試試。