一開始嘅前菜沙律已經好fresh，新鮮爽脆嘅菜葉，加埋甜甜哋又鮮紅嘅蕃茄仔，好清新～開胃滿分！
之後係日精選刺身：帶子、笛鯛、油甘魚🐟，師傅仲提我要順時針咁食，由淡到濃，層次感啱啱好～全部都夠晒新鮮，特別係帶子，甜到出汁🤤。
到重頭戲——澳洲龍蝦🦞！師傅現場即席起肉、炒香，加上用龍蝦膏整成嘅醬汁，一上鐵板個香味簡直攻陷鼻腔！每一啖龍蝦肉都包滿濃濃蝦膏香，鮮甜又彈牙，真係冇得輸🔥
南非活鮑魚都勁有驚喜～厚身彈牙，咬落去帶少少咸香同淡淡酒香，好高級嘅味道。
**牛肉薄燒🥩**就更加香到爆！嫩滑牛肉入面包住蔥花粒同炸蒜粒，咬落層次豐富，香氣撲鼻～唔油膩，啱晒我呢啲鍾意重口味又怕膩嘅人。
鵝肝多士係邪惡代表🍞～鵝肝厚厚一塊，滑到入口即化，香氣濃郁到停唔到口，配埋細細塊多士一啖啖食，完美滿足！
尾段仲有蛋炒飯同炒野菜作結尾，簡單但穩陣。最後嚟個糯米糍雪糕🍨，冰冰涼涼又軟糯，完美收尾～
最正係——一邊食一邊仲可以欣賞師傅嘅鐵板燒廚藝🔥，刀功、火候、節奏全部都睇到出神，好有氣氛！
