燒蝦蝦 (金福閣） (Closed)

係社交平台見到有介紹好似在泰國燒流水蝦，好有興趣！疫情下冇得去旅行 ，咁就約朋友去試下！餐廳設於地庫，每張枱側邊有一個大水缸，服務員會將一網生蝦放落水缸裡，就要自已用夾仔將蝦先放入冰桶裡，整暈咗d蝦就放上爐燒，都幾好玩。除咗蝦外，餐廳仲有好多海鮮，如生蠔，鮑魚，帶子，貴妃蚌，蟶子，青口，扇貝，花甲，蜆，東風螺等及多款鮮魚…………。全部都好新鮮，最值得推介係鮑魚，貴妃蚌，爽口彈牙又鮮甜，我同朋友食咗好多隻！鮮魚我們選擇了金古！一共燒咗二條，真係好好食。除咗燒海鮮 ，還有好多其他食物可以燒，因食咗太多海鮮，肉類就唔想食，祇想食吓菜，我哋認為燒秋葵，菠蘿同雜菇都唔錯。之後仲有甜品供應，有蛋糕仔，雪糕，雪條唔少得。結賬都係每人三百多元認真超值，朋友話下次約多幾個朋友一齊再來！