何賢記甜品世家 (Closed)

同班朋友食飽飯，傾得咁開心，梗係要搵地方食返碗糖水繼續吹！每人叫一款，咩都可以試下。桑寄生紅棗蛋茶($24)夠清潤，最鐘意就係隻蛋煮得好入味，食完感覺好舒服。金銀燉鮮奶($30)原來係燉奶中間擺左隻蛋黃，撈埋一齊食就有少少似甜嘅水煮蛋嘅感覺，滑溜溜幾得意。而芋圓番薯糖水($25)，本人就好鐘意食薑味，所以認為可以再薑啲。不過都好味，食落好暖身，芋圓都煙韌。蓮子合桃糊($28)就可以再好啲，嗒落唔覺好杰好濃果種口感，香味稍稍不足。