Video
Read full review
2022-12-07
337 views
放題控私心推介，報稱食物質素高，選擇多元化。呢晚我地去咗位於觀塘亞太中心嘅分店，食下係咪真係咁掂。 餐廳係以半自助形式點餐，門口附近有個自助取餐區，入面有飲品、甜品、湯、熟食等等，食物種類好多。另外可用手機落單，點刺身、壽司、手卷、鍋物等等。精挑細選下，點咗以下精選食物。今期餐廳推出紅燒乳鴿皇，皮脆肉滑，好入味，必食推介。仲有近期我至愛燒鱈魚干，整得好脆，好正嘅小食。壽司同卷物都非常高質，點咗海膽手卷、花之戀、軟殼蟹卷、芒果龍蝦卷、牛油果卷物等等，卷物控一定唔會失望。海鮮例如酒煮鮑魚、海虎蝦、蒜燒帆立貝、辣酒翡翠螺、燒鯖魚等等，全部都整得好味。特別係酒煮鮑魚， 鮑魚軟腍得黎爽口，必食推介。燒物亦都相當多選擇，必食燒雞翼、菠蘿、牛舌，燒得好靚，上枱熱辣辣。餐廳提供大量不同飲品，有梅酒，清酒，啤酒，汽水，茶飲。我地好健康咁揀咗餐廳自製嘅無糖冷泡茶，茶味又幾香。甜品亦有唔少種類，雪糕、豆腐花、蛋糕、泡芙等等，我哋冇乜作戰能力底下，簡簡單單每人食咗杯雪糕，好豐富嘅一餐。另外要讚下追加食物速度快，overall食材質素都好好。性價比相當高嘅一間，鍾意食放題嘅朋友值得一試。
餐廳係以半自助形式點餐，門口附近有個自助取餐區，入面有飲品、甜品、湯、熟食等等，食物種類好多。另外可用手機落單，點刺身、壽司、手卷、鍋物等等。精挑細選下，點咗以下精選食物。
今期餐廳推出紅燒乳鴿皇，皮脆肉滑，好入味，必食推介。
仲有近期我至愛燒鱈魚干，整得好脆，好正嘅小食。
壽司同卷物都非常高質，點咗海膽手卷、花之戀、軟殼蟹卷、芒果龍蝦卷、牛油果卷物等等，卷物控一定唔會失望。
海鮮例如酒煮鮑魚、海虎蝦、蒜燒帆立貝、辣酒翡翠螺、燒鯖魚等等，全部都整得好味。特別係酒煮鮑魚， 鮑魚軟腍得黎爽口，必食推介。
燒物亦都相當多選擇，必食燒雞翼、菠蘿、牛舌，燒得好靚，上枱熱辣辣。
餐廳提供大量不同飲品，有梅酒，清酒，啤酒，汽水，茶飲。我地好健康咁揀咗餐廳自製嘅無糖冷泡茶，茶味又幾香。
甜品亦有唔少種類，雪糕、豆腐花、蛋糕、泡芙等等，我哋冇乜作戰能力底下，簡簡單單每人食咗杯雪糕，好豐富嘅一餐。
另外要讚下追加食物速度快，overall食材質素都好好。性價比相當高嘅一間，鍾意食放題嘅朋友值得一試。
Post
