牛極 (大河道) (Closed)

今日咁岩係荃灣做完野，見到朋友推介既牛極，就入去試下。價錢好實惠，最平$80起。首先在門口的自助下單機點餐，然後選好座位，店員就會為你送上熱辣辣既牛排。湯、米飯、前菜沙律、醬汁和水都是任食的，而且是自助的。餐廳亦非常貼心地有即棄圍裙供應，食既時候就唔怕弾到全身都係。我就揀左200G既牛柳，都只需$110，所有牛排上桌時均為一成熟，客人可自行於200度熱石上烹調自己喜愛既熟成度，熱石熱力不足亦可通知店員更換，牛柳好厚身，好大舊，切開裡面係粉嫩的顏色，肉質嫩滑軟熟，肉汁被鎖住，牛味香濃，份量亦唔細，可沾醬汁一起吃。