77
5
1
6-min walk from Exit A1, Tsuen Wan MTR Station continue reading
All Branches (5)
Opening Hours
Today
12:00 - 23:00
Mon - Sun
12:00 - 23:00
Payment Methods
AlipayHK Alipay Cash
Other Info
Spot payment
Review (87)
Level4 2019-10-11
1726 views
最近其實好想去夜啲出街食晚飯,但因為公共交通問題,所以要將晚飯時間push到早D。今日收工可以早少少走,咁啱行到去荃灣大河道附近,噉就順便同拍檔一齊去醫下個肚食埋飯先返屋企。見到有傳單寫住新張開業嘅牛極牛排食店。見到佢寫住牛肩肉眼,都只需要80港幣,就有180克。湯米飯同前菜沙律係任食,系正呢個時候比我接到,我係唔會放棄呢個咁好嘅機會。 2位唔該!睇到佢哋牛極餐廳有四間食店嘅,分別喺旺角,深水埗,荃灣同佐敦。佢哋好用心,所有食品都會寫出價錢同重量,明碼實價。入到嚟請先購票自動售票機。每位需點一份餐,之後呢就可以等店員安排你入坐嘞。 入到餐廳感覺好整齊,好乾淨同光猛,非常舒服。座位方面有一人坐,甚至乎係四位坐,如果一個人自己上嚟,獨自去偷食的話呢度都係一個好好嘅選擇。睇睇餐具TISSUE等,一應俱全,排到整整齊齊,所以係唔需要怕食到好汙糟而搞到自己手忙腳亂,餐廳已經為你準備好。我自己就試咗JBS - Au Rib Eye澳洲牛仔肉眼,200克重量。一來既時候我仲以為系一個漢堡包,因為有張白色紙墊住,之後店員向我解釋,原來係有玄機。其實感覺好有驚喜好神奇,見到一塊黑色好厚嘅石頭,原來佢係一塊會發熱嘅熱石,上面淨係放咗一件約一成熟嘅牛扒,之後呢你係需要自己一塊一塊一下一下咁切開佢。熱石係會因應住時間而令到塊牛肉熱熟 , 所以你係可以試到由一成熟,去到全熟嘅牛排 ,所有嘢都係喺你自己控制之內。對於一啲好喜歡自己落場,嘅朋友呢個絕對係一個唔錯嘅選擇仲係一個趣味。當然啦白飯同湯係跟餐送嘅,塊肉係上面粘埋醬汁,非常野味。同時我拍檔點咗一份牛柳,200克。因為鋪面門口正在做緊大廈維修,有好多野遮住,所以如果我從外面向鋪面影相,基本上影唔到啲乜嘢,所以我決定係室內影返出去,噉樣可能可觀性會大啲。鋪內嘅面積唔算特別大,但帶有小小嘅日本裝飾,感覺好似去咗日本當地嘅食堂。店鋪其實風格好有日本味,佢哋連個裝修都會帶有細心嘅精神喺度,我哋見到張座椅嘅底部係有個籃畀你放手袋或者背囊,啱曬我哋呢啲上班族。個凳嘅軟墊都唔錯,應該係好新淨,所以坐得好舒服有啲唔係好想走。##總評時間JBS - Au Rib Eye澳洲牛仔肉眼 $110/200g,係好有肉味,而且又多汁鮮嫩,咬落去嘅時候你會食到一格一格嘅牛肉紋,感覺有D似唔洗點用力就可以咬開佢直接吞。EXCEL Tenderloin牛柳 $110/200g,就覺得係好香口彈牙,有汁。因為佢係熟食,所以香口同有咬口! 呢個感覺係比較重要。絕對係分牛肉既主要得分位置。如果100蚊左右一份肉嚟計,可以自助餐嘅形式去配飯同湯我覺得,非常超值。算係高質高量同樣地如果喺出邊西餐廳食一份牛扒餐,可能會有大約4-5成嘅價錢落咗去伴碟同埋去其他配菜之上,所以你食到嘅未必係有咁高質如果你係愛牛肉嘅人士或者係牛魔王,絕對可以試下純正嘅肉質,作個比較。200克黎講女仔可能會覺得已經啱啱好甚至乎有少少超過,如果係男性朋友過嚟食嘅話可以選擇其他較重嘅份量。始終,我說我認為牛極餐廳嘅牛肉係貴精不貴多,品嚐個味道,質素勝於份量。順帶一提飯同湯同前菜沙律係任食嘅,如果你想飽肚的話,湯飯前菜沙律可以再叫再添,我覺得今次食到咁飽絕對超值,抵食。 continue reading
(The above review is the personal opinion of a user which does not represent OpenRice's point of view.)
Level4 2019-10-10
1224 views
今日同同事仔睇OpenRice 發掘新餐廳期間,見到呢間牛極好似幾吸引咁,lunch time 就行過嚟試吓❣️呢度採用自助形式點餐,一入到門口就見到呢部點餐機~點完之後將張紙比店員跟住搵個位坐低就可以了。呢度真係好自助,湯、前菜沙律、飯及調味料都係自己喺自助吧度拎,連餐具同圍裙都係😝不過好處就係,自己鍾意拎幾多都得,食幾多拎幾多👍🏻另外每張枱都有黑胡椒➕喜瑪拉雅山岩鹽提供😯未有肉食我哋先飲咗湯先,湯係日式牛肉湯來,味道有啲似羅宋湯,但幾濃味,唔煲完再溝左好多水嗰啲😌 味道唔錯,仲食到牛肉碎,幾足料❗️前菜沙律都好新鮮👍🏻.呢度嘅牛扒提供一成熟,再由客人自己根據個人喜好你烹調自己鍾意嘅熟成度❣️新張優惠 - 牛肩肉眼扒 $80,有180g點一份嚟試吓先❣️牛扒幾厚身❣️肉質嫩滑多汁,油脂分布平均,所以食落都唔覺得油膩☺️ 唔韌好易咬開,口感唔錯👍🏻另外我哋點左一份200g 牛柳 $110比牛肩肉眼扒再厚多少少,但相對就比較難燒外面熟度有啲老嘅同時,入面d 肉都未燒熟,仲係好紅🙊 所以我下次再燒嘅時候會再切細少少🙈 肉質比較厚實同時有嚼勁,一樣唔係好油👍🏻食完之後有啲覺得,呢度啲肉好唔好食,都可能都關自己燒得好唔好事🤣 continue reading
(The above review is the personal opinion of a user which does not represent OpenRice's point of view.)
Level3 2020-01-17
65 views
等睇醫生等到下午茶時段,諗起如心2期個間石燒諗住行去試下...路程太遠🤣 行行下經過牛極,都係食石燒就落左去試菜!好彩有前人話個門口搭晒棚,唔係我都會miss左個路口🤪入到去心大心細,見有亂切乜都有就點左黎試下. 等主角時,就去拎湯、飯同沙律沙律菜👍🏻飯 唔知係咪下午茶時段,好乾唔好食...你知食燒牛個飯底係好重要既😔湯 佢夠濃但唔好味主角上場,佢上黎時係會搵張紙蓋住等d油唔會彈出黎,一讚👍🏻好彩個牛唔錯,唔係堅會後悔唔行多2步去試新店。亂切,顧名思義係乜都有...好處係樣樣都試d但壞處係唔知自己食緊d乜如果可以好似燒肉咁俾個牌仔話你知係乜就好啦! continue reading
(The above review is the personal opinion of a user which does not represent OpenRice's point of view.)
Level4 2019-12-29
111 views
點樣可以係短時間內食到好味嘅牛扒,而價錢又係非常實惠同埋平民化呢?呢間速食鐵板牛專門店,我誠意推介俾大家去試,因為我已經起碼encore左三次!最欣賞佢呢度係白飯任裝,沙律菜任食同湯任飲,而且啲飯大大碗熱辣辣,沙律菜點埋酸酸甜甜嘅柚子醋,可以為餐前開胃。個鐵板好快到,上面有張紙巾隔一隔啲油。牛肩大概只有一成熟,擺喺熱辣辣嘅鐵板上面,按個人嘅喜好,將佢煮到你心中的熱度。肉質剛剛好唔會太硬唔會太腍,點埋佢嘅燒肉汁,中和左牛嘅肥膩,咁就Very Good,另外牛柳都好唔錯,下次自己一個人都可以嚟再嘆! continue reading
(The above review is the personal opinion of a user which does not represent OpenRice's point of view.)
Level4 2019-12-29
66 views
知道牛極開咗好多間分店喺荃灣呢度都可以搵到一間下晝嘅時段完全係爆滿人,我哋都等左好一段時間先可以坐低慢慢食。呢度係用自助形式,可以喺出邊嘅售賣機度揀咗自己想食嘅牛扒之後,然後等職員安排位置坐低,再喺出邊嘅地方,拿取自己想食嘅沙律菜、醬汁、珍珠米以及係味噌湯。我同朋友每人點左一塊牛扒,我揀咗牛肩嘅位置而朋友就揀咗牛柳,價位只係大概$100左右,就可以品嚐到好好食嘅牛肉。大概食咗15分鐘我就已經將枱面嘅嘢全部清掉,證明真係好好食㗎! continue reading
(The above review is the personal opinion of a user which does not represent OpenRice's point of view.)