樂天大喜屋 (Closed)

Happy Friday 最好緊係食餐勁既！ 聽人讚左大喜屋既放題好耐，今次即黎試下！一坐低即刻有本成吋厚嘅點菜紙等緊你，即刻狂風掃落葉式點菜！ 一黎叫咗盤刺身先，甜蝦同大赤蝦係強烈推薦要食，鮮甜爽口，食落充滿鮮味，回本！海膽手卷都係必食，師傅落海膽好大方，每件手卷都有滿滿既海膽，鮮甜到不得了，而且細細件可以試多幾樣！燒物都好正！牛舌，雞翼，鰻魚都燒得好好，皮脆得黎仲keep到有汁，好好！ 估唔到有花膠食，而且有酒樓水準，難得！甜品有Movenpick同Haggen Daz揀，好完美！絕對推介呢間高質放題！