燒蝦蝦 (金福閣） (Closed)

估唔到元朗竟然有間主打流水蝦嘅餐廳，有得食又有得玩🦐即刻拉埋男朋友同我去下啲咁特別嘅餐廳，搞下新意🤪見到枱面佢哋已經準備好工具，工具全部都非常乾淨，準備好就開始嘅啲流水蝦啦😆，啲蝦非常之生猛，望少兩眼都捉佢唔到！睇得出非常之新鮮之餘入口仲好彈牙添。串燒方面都好多選擇〰️我就梗係最鍾意食燒雞翼🤤雞翼燒到金黃色，而且非常之大隻，一咬啲肉汁必出嚟，好邪惡👅呢到嘅炸物都好正〰️好鍾意食佢哋嘅西米球，睇落好似煎堆咁樣，但係原來咬到入面係椰汁西米露，簡直係好似食甜品咁！仲有春卷到好香脆😆全部都係新鮮熱辣辣嘅😍