共度一燒

Open Now

Now Closed

呢排好鍾意食串燒，最近係荃灣試咗間串燒小店，價錢相宜又好味，都幾抵食！酸辣粉嗌咗小辣同埋揀咗米線，大家亦都可以試吓佢嘅紅薯粉，店員話超彈牙！冇嗌其他配料，因為原本嘅肉碎、酸菜同花生都已經好足料！！湯底夠辣但唔會太酸，酸辣度岩岩好，大家可以自己揀想要嘅辣度同酸度，配上串燒一齊食特別滿足！！蒜香原條茄子原條茄子份量十足，茄子食落夠juicy啖啖肉！加咗辣之後再配埋滿滿嘅蒜蓉同蔥花，真係超級惹味啊！！豚肉京蔥卷豚肉包裹住京蔥，特別鍾意肉質香甜既豚肉，燒到少少香脆又充滿油香，配上爽口清爽嘅京蔥，夠香同有口感得嚟唔會覺得油膩！雞中翼雞翼燒到外皮焦脆夠香口，裏面肉汁Juicy，惹味得黎又唔會太辣。五花腩串五花腩肥瘦相間，肉質彈牙，充滿油脂香味，有微微嘅焦香，肉味香濃，正！！另外仲叫咗煙肉蘆筍卷泰式豬頸肉香辣牛肋串厚燒牛舌金菇肥牛卷羊肉串雞肉串雞腎串雞心串雞肝串多春魚章魚葱棒燒賣好味又抵食，呢間小店值得支持！