平昌

Open Now

Now Closed

感覺有一段時間沒有食燒肉，咁就約咗很久沒見嘅朋友去旺角呢間食店拆一餐。食店面積頗大，裝修冇乜特別，只係牆上有一啲卡通人物咁。一坐低，就有一啲泡菜、芽菜、生菜擺上枱。個鐵板側跟放一啲蛋漿，熟咗可以食。雪櫃放了嘅飲品種類唔算太多，啤酒、可樂、檸檬茶、烏龍茶等等，尚算足夠。放題時間兩個鐘，即刻落柯打係咁點嘢食，肥牛片、五花腩、牛筋骨、牛舌、豬頸肉、梅頭片......將啲肉放在鐵板上，聽住那美妙的「滋滋」烤肉聲音，心中只係盼望佢煮熟的一刻，肉薄薄一片，反兩反，一轉色可以夾來品嚐，啲肉燒到熱辣辣梗係香氣四溢，點些醬汁更加惹味。亦有雞肉串、雞腎串海鮮方面有一啲元貝、蠔嘅選擇如果唔夠喉可以整碗辛拉麵，一樣熱辣辣，滿足！醬油蝦~醃得幾好，夠入味。整體食物唔錯，唯一係時間短，食兩個鐘，個半鐘就截柯打，所以都係不斷食，密密食，盡情食！