齊柏林熱狗店 (Ho Shun Yee Building)

Open Now

Now Closed

🌭熱狗方面暫時試左芝味熱狗（$38）同原味熱狗（$32），兩款都好對辦，芝味熱狗就係大家熟悉嘅拉絲熱狗，芝士份量澎湃，拉絲度十足，芝士控必試，佢地每款熱狗都會用上唔同嘅腸，拉絲狗用嘅係法蘭克福腸，腸皮爽脆幾有口感，呢款熱狗亦加左適量嘅蛋黃醬，食落唔會好乾。.🌭比起拉絲狗，我就更加鐘意佢地嘅原味熱狗，好多人會怕食酸瓜，而佢地嘅酸瓜醬無論口感同味道都調教得洽到好處，芥末醬唔會過份嗆，加埋茄汁三種醬嘅比例啱啱好，配埋啖啖肉嘅匈牙利腸，每啖咬落去都非常滿足。.🍟另外亦分別試左煙肉芝士薯條同辣肉醬芝士薯條（各$26），個人就比較鐘意辣肉醬口味多啲，肉醬味道香濃，辣度適中，撈埋熱溶芝士一齊食極之邪惡。