Video
Read full review
2011-12-01
23 views
先先講下點解等位時間係0分鐘,係因為要BOOKING,因為如果唔BOOK位,唔一定有位,如果夜D9:00之後,就可能唔洗BOOK,9:00前唔BOOK,都幾難有位,有時重要早一個星期BOOK才有位。初初第一次去之時,以為扒房一定係一D十分安靜的地方啦,因為係BOOK位之時,又話要留意衣著,拖鞋,涼難,背心,短褲唔入得,以為都幾高級,而高級D地方多數都靜到死,點知7:00坐底左之後,8:00人多之時,就開始嘈,嘈到好似普通茶餐廳咁,不過我又覺得幾舒服,無左D壓迫感!基本上我地一行8人,都係叫左幾份MAIN COURSES,因為有小朋友,而且D MAIN COURSES 都幾大份下,我地都係 SHARE 來食,係個度有 SALAD 叫,如果單叫沙律就要個別收費,大約三百幾蚊一個人頭,如果叫一個 MAIN COURSES 就可以跟一個沙律,唔係唔收錢,係平一半左右啦,唔過二百蚊一份,不過我地唔係個個吃沙律,所以基本上叫幾份 MAIN COURSES 之時,都夠沙律給想吃的人,係呢D地方,唔好以為自己叫一份沙律,一個人出去攞之後,幾個人來分來吃,到時比人話就唔好啦! !我個人就唔吃沙律,所以我
初初第一次去之時,以為扒房一定係一D十分安靜的地方啦,因為係BOOK位之時,又話要留意衣著,拖鞋,涼難,背心,短褲唔入得,以為都幾高級,而高級D地方多數都靜到死,點知7:00坐底左之後,8:00人多之時,就開始嘈,嘈到好似普通茶餐廳咁,不過我又覺得幾舒服,無左D壓迫感!
基本上我地一行8人,都係叫左幾份MAIN COURSES,因為有小朋友,而且D MAIN COURSES 都幾大份下,我地都係 SHARE 來食,係個度有 SALAD 叫,如果單叫沙律就要個別收費,大約三百幾蚊一個人頭,如果叫一個 MAIN COURSES 就可以跟一個沙律,唔係唔收錢,係平一半左右啦,唔過二百蚊一份,不過我地唔係個個吃沙律,所以基本上叫幾份 MAIN COURSES 之時,都夠沙律給想吃的人,係呢D地方,唔好以為自己叫一份沙律,一個人出去攞之後,幾個人來分來吃,到時比人話就唔好啦! !我個人就唔吃沙律,所以我都只係聽翻來,佢地話D沙律好新鮮,而且可以無限次出去攞,吃完又吃,所以佢地就好開心,我就只係漫無目的咁呆坐係到等....因為基本上係等佢地吃沙律吃到滿意,D伙計先至會開始上牛扒。
牛扒方面,主要有三只肉,各有各特色,都幾好味,我初初叫,唔識野,佢問我要幾熟,我就話一半啦,點知,佢話4成好D,唔好太熟唔好吃,我初初都唔信,而且我太太食親都要全熟,不過既然個伙計都咁講,我就信佢一次,叫左其中一塊4成熟,其它就7成,8成熟啦!因為我地人多,而且只係叫左幾個 MAIN COURSES, 就叫餐廳幫我地切左片先再上碟,我想佢地餐廳 D 人都可能習慣左,我叫佢地把一塊牛扒切開幾塊上,佢地 D 反應就話比我知佢地識DO,而且還有一點你地要留意,如果你地食牛扒個個 D 接受生熟程度唔一樣,而又想SHARE來吃,就叫佢將塊牛扒,切開,一件要生D,一件要熟D都可以。
個地其實都有海鮮,不過我唔推介,來呢度就吃牛扒啦。湯我都唔介紹啦,我怕你地喝飽左,重點食牛扒呢!
啊!還有,有三個甜品,去到一定要試,我平時都好小吃甜野,就係係呢度衰左,鐘意左吃心太軟。除左心太軟,我就無提別提議,不過我 D 家人及 FAN 還喜歡另外兩個甜品,分別係apple crumble同埋TRIO,不過要小心D,唔好睇小個TRIO,7個人吃,4大(2男2女) 3小都吃唔完,如果叫左TRIO,就唔好叫其他住,如果唔係就好浪費。
以此扒房來說,特色如下:
1.充滿歡樂聲的扒房(本來想寫嘈,不過好似唔係幾好)
2.發光的餐牌,但係你唔好以為係IPAD,個餐牌唔好用,睇耐左,只眼痛
3.另外餐牌有普通唔發光,不過D 環境暗,有老花就要除眼鏡先睇到
4.另外又有中文餐牌
5.有多種款式刀比你選擇(其實無嘜分別,就係刀一把)
6.唔同款式鹽比你地加落D牛扒到,不過我無加,我喜歡吃原味
7.唔同味道芥辣(有D係甜,葡萄/洋蔥/蒜蓉等等,都幾特別)
8.開一枝酒要收HK$500
Post