樂天大喜屋 (Closed)

上次就食個殿大喜屋，今次就去都係屬於大喜屋集團嘅樂天大喜屋，價錢比較親民，對比起淨係主打開先嘅殿更加適合我哋😉我哋閒日去，都要提早訂位，去到嘅時候門口已經好多人係訂咗位等緊入去，真係好誇張😌環境其實都唔錯，可能因為太多人嘅關係，拎野飲嗰個位其實容納到嘅人都唔多，所以我哋會選擇先點菜嘢食，再出去拎野飲😎🍾飲品種類其實都算多啤酒都有幾款，而且又大部份都係韓國嘅飲品，但我個人就會覺得果汁比較甜，所以都係揀咗烏龍茶☕️落完單之後啲嘢食都好快到，第一時間當然亦唔少得刺身拼盤呢個環節，三文魚甜美多脂，甜蝦肉質亦新鮮彈牙😛🍤炸蝦天婦羅外面個層漿好簿而且好脆，成隻蝦都好大而且好鮮甜、我亦叫咗我最鍾意嘅日本天婦羅番薯仔，好甜好香😋芝麻雞翼都好香脆，一咬落去雞翼嘅肉汁溜晒出嚟，亦唔會太咸👍🏻棒棒燒糯米雞卷亦係呢間獨創嘅食物，外面一啲糯米裏面包住雞肉，外面有一層燒汁，其實都幾特別但就唔可以食太多，如果唔係就會好跩☺💓今次我最鍾意呢間放題嘅就係黃金燒海虎蝦，上面鋪左一啲沙律醬同埋芝士，下面係原隻燒蝦，而且完全唔會腥，甜甜地好開胃😋搞到我叫左六隻食唔停口呢度嘅甜品我就食咗哈根大師嘅士多啤梨雪糕、朱古力心太軟細細個